Aımaqtar • 03 Qyrkúıek, 2020

Aqtóbede 319 ınternet alaıaqtyq faktisi anyqtaldy

84 ret kórsetildi

Jyl basynan beri Aqtóbe oblysynda aqparattyq júıelerdi paıdalaný arqyly jasalǵan alaıaqtyqtyń 319 faktisi tirkeldi. Bul týraly IIM baspasóz qyzmetine Egemen.kz silteme jasap habarlaıdy.

Sońǵy ýaqytta Aqtóbe oblysy aýmaǵynda ınternet jelilerinde jasalatyn alaıaqtyq  jaǵdaılary jıilep ketti, alaıaqtar óz qurbandarynyń banktik shottary men kartochkalaryn paıdalanǵan. QR Qylmystyq kodeksiniń 190-baby 4-tarmaǵy 2-bóliginde aqparattyq júıeni paıdalanýshyny aldaý nemese senimge qııanat jasaý arqyly alaıaqtyq úshin qylmystyq jaýapkershilik kózdelgen.

– Jyl saıyn alaıaqtar aldaýdyń jáne azamattardan aqsha alýdyń barǵan saıyn kúrdeli ádisterin qoldanady. Eger buryn alaıaqtar telefon arqyly qońyraý shalyp, polısııa qyzmetkeri bolyp tanyssa, ustalǵan azamat úshin aqsha talap etse, qazir alaıaqtyq jańa ınternet tehnologııalaryn paıdalanyp, onlaın nesıe rásimdeı otyra, jasalady, – deıdi Aqtóbe oblystyq PD bastyǵy Atyǵaı Arystanov.

Tamyz aıynyń sońynda Aqtóbe qalasynyń turǵyny polısııaǵa shaǵymymen habarlasqan. Onyń aıtýynsha, alaıaqtar "balzhan aqsha halykka" paraqshasymen “Instagram” áleýmettik jelisin paıdalanyp, aqsha qarajatyn eki ese kóbeıtý syltaýymen 15 myń teńge somasyndaǵy aqshany ıemdenip alǵan. Qyz Kiwi ámııany arqyly aqsha aýdarǵan.

Sondaı-aq, ınternet alaıaqtyq jasaǵany úshin jedel-izdestirý is-sharalaryn júrgizý barysynda kıberqylmyspen kúres tobynyń qyzmetkerleri 21 jastaǵy jigitti ustady, ol Instagram áleýmettik jelisi arqyly aqsha qarajatyn jyljytý syltaýymen birneshe ret ınternet alaıaqtyqpen aınalysqan, paraqshada WhatsArp messendjerine tirkelgen nómirler arqyly azamattarǵa tikeleı habarlasatyn bolǵan.

Aqsha ártúrli "Kiwi ámııandaryna" jáne Kaspi Gold tólem kartasyna aýdaryldy. Kúdiktiniń QR túrli óńirlerinen kelgen 15-ten astam alaıaqtyq faktisine qatystylyǵy anyqtaldy. Kúdikti Aqtóbe qalasynyń ÝUI-na qamaldy. Oblys PD bastyǵy A. Arystanovtyń aıtýynsha, bizdiń azamattarymyzdyń basty máselesi – olardyń senimdi jáne tez ári ońaı baıýǵa umtylysy.

Osyǵan baılanysty, azamattarǵa qyraǵy bolý jáne jeke aqparatpen, onyń ishinde bank kartalarynyń nómirleri, PIN-SMS-kodtar týraly aqparatpen bólispeý jáne aqshanyń tez ósýi týraly aldamshy usynystarǵa senbeý qajettigi týraly keńes beremiz. Kúdikti SMS, qońyraýlar, sondaı-aq áleýmettik jeliler men ınternette tartymdy usynystar túsken jaǵdaıda dereý polısııaǵa habarlasyńyz nemese banktegi shottaryńyz ben nesıe tarıhyńyzdy tekserińiz.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar