Prezıdent • 03 Qyrkúıek, 2020

Memleket basshysy Mádına Ábilqasymovanyń esebin tyńdady

180 ret

kórsetildi

1 mın

oqý úshin

Prezıdent Qasym-Jomart Toqaevqa qarjy naryǵynyń bıylǵy damýy jóninde esep berilip, qarjy sektorynyń turaqtylyǵyn qamtamasyz etý, ekonomıkany nesıeleý isin yntalandyrýǵa qatysty retteý sharalaryn júzege asyrý jáne tutyný nesıeleriniń shekten tys artýyna jol bermeý týraly Memleket basshysynyń buǵan deıin bergen tapsyrmalarynyń oryndalýy jóninde baıandaldy, - dep habarlaıdy Egemen.kz Aqordanyń baspasóz qyzmetine silteme jasap.

Marjan TILEÝBEK

Memleket basshysy Mádına Ábilqasymovanyń esebin tyńdady

Mádına Ábilqasymovanyń aıtýynsha, Memleket basshysynyń Joldaýyn júzege asyrý aıasynda Agenttik Úkimetpen birlesip ekonomıkanyń zardap shekken sektorlaryna qoldaý kórsetiledi. Atap aıtqanda "Bıznestiń jol kartasy – 2025" baǵdarlamasy boıynsha shaǵyn jáne orta bıznes ókilderiniń alǵan qaryzdaryna jylyna 6 paıyzdyq mólsherlememen sýbsıdııa beriledi.

Agenttik basshysy Prezıdentke saqtandyrý jáne baǵaly qaǵazdar naryqtaryn jetildirýge baǵyttalǵan zańnamalyq bastamalardyń daıyndalyp jatqanyn aıtty. Saqtandyrý naryǵyn jetildirý jónindegi zań jobasy boıynsha halyqtyń zeınetaqy jáne ınvestısııalyq saqtandyrý qorlarynyń jumysyna aralasýy artady, sol arqyly azamattardyń jınaǵy eselene túsedi. Sonymen qatar kásipkerlerdiń qundy qaǵazdar naryǵynda qor jınaýyna múmkindik beretin sharalar qabyldanady.

Qasym-Jomart Toqaev Agenttiktiń jumysyn oń baǵalap, qarjy naryǵyn odan ári damytýǵa qatysty birqatar naqty tapsyrma berdi.