Elbasymyz «Qazaqstan-2050» strategııalyq baǵdarlamasynda: – Ana men balany qorǵaý, elimizde bala týý sanyn arttyrý jáne ana men balany áleýmettik qoldaýdyń mindetterin belgilep berdi. Sóz joq, bul el bolashaǵyna degen qamqorlyqtyń bir sharty bolyp tabylmaq.
Elbasymyz «Qazaqstan-2050» strategııalyq baǵdarlamasynda: – Ana men balany qorǵaý, elimizde bala týý sanyn arttyrý jáne ana men balany áleýmettik qoldaýdyń mindetterin belgilep berdi. Sóz joq, bul el bolashaǵyna degen qamqorlyqtyń bir sharty bolyp tabylmaq.Biz osy baǵyttaǵy aýdandaǵy ana men bala densaýlyǵy, sonyń ishinde ińgálap dúnıege kelip jatqan sábılerdiń jaǵdaıyn bilmek bolyp, perzenthanaǵa bas suqtyq. О́kinishke oraı, perzenthana bóliminiń jetekshisi eńbek demalysynda eken. Biraq, esesine aýdanda 40 jylǵa jýyq ýaqyttan beri dúnıege kelgen sábılerdiń «kindik sheshesi» atanyp júrgen abzal jandy jolyqtyrǵanymyzda naǵyz keıipkerimizdi tapqanymyzdy bildik.
Basqa ult ókili bolsa da, qazaq tilinde aǵyp turǵan Nadıa apaıdy (Nadejda) aýdandyq perzenthananyń jylnamasy deýge bolady.
– Osy aýdandyq perzenthanada jumys istegenime týra 37 jyl 4 aı boldy. Aýdanymyzda negizinen qazaqtar turady. Sondyqtan qyryq jyl ishinde myńdaǵan qarakózderdiń kindik sheshesi atandym. Sol kindigin kesken sábıler búginde ata-ana atanyp otyr. Endi men kindik sheshe emes, kindik áje atana bastaǵan jaıym bar. Áridegini eseptemegende, 2000 jyldan beri 664 sábıdiń dúnıege kelgen qabyldaýyn jasadym. Sonyń 16-synyń kindigin ózim kestim. Endi ol balalar maǵan tartady ǵoı, – dep kúldi Nadıa apaı.
– Bólim meńgerýshisi eńbek demalysynda bolǵandyqtan, keıbir statıstıkaǵa jaýap bereıin. Bıylǵy jeti aıda segiz aýyldyq okrýgte 90 sábı dúnıege keldi. Sonyń 40-y Qaztalov aýylynyń úlesinde.
Perzenthanaǵa aıaǵy aýyr analardy aldyn ala esepke alady. Olarǵa túrli keńester berilip, dúnıege keler sábıdiń densaýlyǵynyń qalypty bolýy úshin emdeý jumystaryn júrgizedi. Sondaı-aq, tuńǵysh perzentin dúnıege ákeletin analarǵa kóbirek aqyl-keńes beriledi.
Mine búgin D.Erdenova atty jas ana óziniń tuńǵyshyn dúnıege ákeldi. Ana da, sábı de qalypty jaǵdaıda.
Sábılerdiń jaryq ómirge kelýine atsalysyp júrgen gınekolog dárigerler I.Nııazova, A.Baev jáne akýsherler Ǵ.Jasqalıeva, Ǵ.Bórekeshova, R.Haıdarovalardyń esimderin ataýǵa bolady.
– Ata-anaǵa balalarynyń ómirge kelgen qýanyshyn eń alǵashqy bolyp jetkizetin bizder. Sharshaǵanymyzdy osyndaı qýanyshtan keıin umytyp ta ketemiz, – dep aıaqtady áńgimesin Nadıa apaı.
О́tken jyly aýdandyq gazetke Muǵamıla degen ardager ana Nadıa apaı týraly maqala jazdy. Ol maqalada Nadıa apaıdyń ata-anasy qaıtys bolǵan jetim balanyń oqý aqysyn óz qarajatymen tólep otyrǵan izgilik isin kórsetken edi.
Qazirgi kúnde adamdardyń bóten túgil, týǵanyna qolushyn bermeıtin kezde, Nadıa apaıdyń ımandy isi – naǵyz adamshylyq qasıettiń bıigi deýge bolady.
Qazaq sábılerdiń kindik ájesi atanǵan, joǵary sanatty akýsher Nadejda Stepanovna Gefnıder osyndaı abzal jan.
Gúlfııa KО́ShBAEVA.
Batys Qazaqstan oblysy,
Qaztalov aýdany.
