Kásiporyn taratqan málimetterge qaraǵanda, respýblıkanyń keı jerlerinde naızaǵaı oınap, jańbyr jaýady. Shyǵysta nóserletedi.
Qazgıdromet boljamy boıynsha eldiń qalǵan aýmaǵynda kún jaýyn-shashynsyz bolady. Respýblıkanyń keı jerlerinde jel kúsheıip, daýyl turady, ońtústikte shańdy daýyl, soltústikte jáne ortalyqta tuman túsedi. Keı jerlerinde burshaq jaýýy yqtımal. Jambyl, Shyǵys Qazaqstan oblystarynyń keı jerlerinde daýyl turyp, jel kúsheıip, jyldamdyǵy sekýndyna 15-20 metrge jetedi.
Shyǵys Qazaqstan oblysynyń keı jerlerinde jeldiń jyldamdyǵy sekýndyna 25 metrge deıin jetýi múmkin. Burshaq jaýýy yqtımal. Táýlik boıy Aqmola, Túrkistan, Soltústik Qazaqstan, Qaraǵandy, Pavlodar, Qostanaı oblystarynda, kúndiz Almaty oblysynda, tańerteń jáne kúndiz Qyzylorda oblysynyń birqatar óńirinde jel sekýndyna 15-20 metr jyldamdyqpen soǵady.
Kúndiz Pavlodar oblysynda ekpini 25 m/s bolady, Aqmola, túnde Qaraǵandy oblystarynyń keı jerlerinde tuman túsedi.
Túrkistan oblysynyń keı jerlerindede shańdy daýyl turady. Qyzylorda oblysynyń keı jerlerinde, Atyraý, Almaty oblysynyń batysynda, Túrkistan oblysynyń shyǵysynda, Batys Qazaqstan oblysynyń ońtústiginde, Qaraǵandy oblysynyń ońtústik batysynda tótenshe órt qaýpi saqtalady.
