Aımaqtar • 04 Qyrkúıek, 2020

Túlkibas aýdanynda 5064 gektar sýarmaly jer qaıta aınalymǵa qosylady

49 ret kórsetildi

Túrkistan oblysy Túlkibas aýdanynda kóp jyldan beri qordalanǵan aǵyndy sý máselesi kezeń-kezeńimen sheshimin tabýda. Bul oraıda  2022 jylǵa deıin aýdan aýmaǵyndaǵy 13 sý nysanyna kúrdeli jóndeý jumystary júrgizilip, 7015 gektar sýarmaly jer qaıta aınalymǵa qosylady, - dep habarlaıdy Egemen.kz.

Al bıyl 13 sý nysanynyń 7-ýinde temir-betonmen qaptaý jumystary júrgizilip, jalpy uzyndyǵy 69,1 shaqyrym bolatyn "Qulyı", "Tanta", "Qyzyl", "Boz", "Uzyn", "Besqasqa", "Bala Qulan" magıstraldy kanaldary 5064 gektar aýyl sharýashylyǵy baǵytyndaǵy jerdi aǵyndy sýmen qamtymaq. Kúrdeli jóndeý júrip jatqan sý nysandaryn aralaǵan aýdan ákimi N.Baıǵut merdiger mekeme ókilderine qurylysty qarqyndatý maqsatynda jumysshylar sanyn kóbeıtip, arnaıy keste qurýdy tapsyrdy.

Sonymen qatar jumystyń sapaly bolýyn qadaǵalaý maqsatynda kanal qabyrǵalaryn bekitýge qoıyp jatqan temir-betondardyń laboratorııalyq synamasyn alyp turý qajettigin eskertti. Mamandar temir-beton ınjenerlik-qurylǵylardan jasalǵan sý nysandary aýdan turǵyndaryna keminde 25 jyl qyzmet etetinin aıtýda.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar