"Prezıdent Qasym-Jomart Toqaevtyń tapsyrmasyna sáıkes, sonymen birge elde tabıǵatqa qarsy qastandyq áreketteriniń jıi oryn alýyna baılanysty ákimshilik quqyqbuzýshylyq týraly Kodekstiń qorshaǵan ortany lastaýǵa qatysty tustaryna ózgerister daıyndaldy", dedi ol Memleket basshysynyń Joldaýyn júzege asyrýǵa qatysty ótken brıfıngte.
Mınıstrdiń sózinshe, endi kópshilik tutynatyn qoǵamdyq oryndardy bylǵaý áreketterine, qalalar men eldi-mekenderdegi jasyl jelekke zııan keltirýge, sý resýrstaryn qorǵaý erejesin, ormandaǵy órt qaýipsizdigi talaptary men sanıtarlyq erejelerdi buzýǵa, orman faýnasyn joıǵan nemese zııan keltirýge jáne ormanǵa qoqys, hımııalyq zattar tastaýǵa, basqa da orman qoryna keltirilgen zalalǵa qatysty aıyppuldar quny artpaq.
Aıyppul jeke tulǵalar úshin 10 AEK-ten 20 AEK-ke, orta jáne iri bıznes ókilderine 30 ben 70 AEK-ten 75 jáne 500 AEK-ke kóteriledi. Vedomstva basshysy brıfıngte sonymen qatar janýarlardy qorǵaýǵa qatysty jańa zań jobasynyń júzege asý barysy týraly da aıtyp ótti.
"Zań jobasy Úkimetke engizilip qoıdy. Osy jerde tıisti kelisim ótkennen keıin jaqyn ýaqytta Parlamentke jiberiledi", dedi mınıstr.
Zań jobasyna delfınarıılerdi jabý týraly norma da engizilgen.
"Delfınarıılerdi jabý týraly norma qujatta mindetti túrde bolady. Zań jobasynyń draftine tıisti normany bekittik. О́zderińiz biletindeı, sońǵy kezderi qoǵamdyq belsendiler men halyqaralyq qoǵam qaıratkerlerinen delfınarıılerge tyıym salý týraly úndeýler kóp túsip jatyr. Sondyqtan osyndaı norma jasap otyrmyz. Ol tek delfınarıılerge qatysty emes. Jabaıy janýarlarǵa qatysty basqa da shekteýler bar", dedi M.Myrzaǵalıev.
