Sýretti túsirgen Erlan OMAR, «EQ»
«Jumyspen qamtý-2020» jol kartasy sheńberinde Toraıǵyr, Sabyndykól jáne Jasybaı kólderindegi jaǵajaılardy abattandyrý, sondaı-aq S.Toraıǵyrov kesenesi men Qońyr áýlıe úńgirine baratyn avtojoldardyń ortasha jóndelýin qamtıtyn 6 ınvestısııalyq jobany iske asyrý kózdelgen. Sondaı-aq baǵdarlama aıasynda kýrorttyq aımaq aýmaǵynda 10 sanıtarlyq-gıgıenalyq torap ornatý qarastyrylǵan, onyń 9-y ornatyldy. Kýrorttyq aımaqty úzdiksiz energııamen qamtamasyz etý maqsatynda respýblıkalyq bıýdjetten beriletin transfertter esebinen Toraıǵyr kentiniń qosalqy stansııasynan Jasybaı kólindegi nysandarǵa deıin joǵary voltti elektr jelisiniń qurylysy júrgizilýde.
«Bıylǵy kýrorttyq aımaq aýmaǵynda demalý jáne jazǵy týrıstik maýsymnyń aıaqtalýyna baılanysty shekteýlerge qaramastan, osy jobalardy iske asyrý bolashaqta demalys jaǵdaılaryn neǵurlym joǵary deńgeıge shyǵarýǵa, sondaı-aq kýrorttyq aımaqtyń ınvestısııalyq áleýetin arttyrýǵa múmkindik beredi», dedi «Kazakh Tourism» UK» AQ basqarma tóraǵasy E. Erkinbaev.
Aıta keteıik, 2019 jyly Baıanaýyl kýrorttyq aımaǵyna 130,7 myń týrıst kelip, 2018 jylǵa qaraǵanda 7%-ǵa artty. Týrıstik qyzmetti damytýdyń memlekettik baǵdarlamasyna sáıkes 2025 jyly týrıster sany 450 myń adamǵa jetedi.
