"Test bar bolǵany 15-20 mınýt aralyǵynda antıdene túzilgen túzilmegenin anyqtap beredi, al ol osy sársenbiden júrgizile bastaıdy", degen Olıve Veran ázirge eksperıment túrinde qolǵa alynǵan tájirıbege úlken úmit artylyp otyrǵanyn, nátıjesine qaraı ony ary qaraı jalpylama engizý jóninde sheshim qabyldanatynyn aıtqan.
Pandemııanyń qaı elge de ońaı soqpaı turǵany málim. Odan fransýzdar da zardap shegip otyr. Eldiń Ulttyq statıstıka jáne ekonomıkalyq zertteýler jónindegi ınstıtýtynyń boljamdaryna qaraǵanda 2020 jyldyń aıaǵynda fransýzdardyń jumyssyzdyq kórsetkishi 9,5 paıyzǵa joǵarylaýy múmkin.
Aýrýmen kúreste qandaı bir qareketterdiń oń nátıjesine úmit artyp, jedel test engizýdi kózdegen Fransııa úkimeti ekonomıkany qalypqa keltirýde shyǵys mólsheri 100 mlrd eýro kólemin quraıtyn baǵdarlama da ázirlegen kórinedi.
