Departament órttiń aldyn alý sharalaryn júrgizip, aýlalardy aralap, reıdterge shyǵyp, úgit-nasıhat jumystaryn kúsheıtedi. Aralaý barysynda peshter men tútindikterdi, elektr jylytqyshtardyń ornatylýyna basa mán beriledi. Úı ıelerine peshter men tútin murjalaryn ornatýda aqaý bolsa, ony túzetý týraly usynystar aıtady, órtke qarsy taqyryptaǵy jadynamalar tapsyrylady. Qala aýmaǵy boıynsha 22 633 jeke turǵyn úı jáne 10 611 saıajaı esepke alynǵan.
"Bıyl 15 tamyzda órt qaýipsizdik kezeńi bastalǵaly aldyn-alý jumystarymen 4095 jeke turǵyn úı men saıajaı qamtylyp, 6699 adamǵa túsindirme jumystary ótkizildi. Ýly gazdy anyqtaıtyn 135 dabylqaqqysh ornatyldy. Bul baǵyttaǵy jumystar áli de jalǵasýda", dep atap ótti departament ókilderi.
Sonymen qatar mamandar azamattarǵa aldaǵy jylytý maýsymynda órt qaýipsizdigin qamtamasyz etý týraly eskertedi.
“Aqaýy bar rozetkalardy, basqa da elektroturaqtylyq zattardy qoldanbańyzdar. Ot janyp turǵan peshti qaraýsyz qaldyrmańyzdar, órt qaýipsizdigi sharttaryna sáıkes kelmeıtin peshterdi qoldanbańyz, buǵan salǵyrt qaraý qaıǵyly jaǵdaıǵa alyp kelýi múmkin”,- deıdi mamandar.
Statıstıkaǵa sáıkes ústimizdegi jyldyń ótken merziminde qala boıynsha 362 órt boldy. Olardyń basym bóligi turǵyn úı sektorynda bolǵan.
