Memlekettik bıýdjetke (transfertterdi esepke almaǵanda) 5,5 trln teńge somasynda, respýblıkalyq bıýdjetke 3 trln 455 mlrd teńge somasynda kirister tústi. Kirister boıynsha jospardyń atqarylmaýy 610 mlrd teńgeni qurady.
Negizgi atqarylmaý somalary qosylǵan qun salyǵy (596 mlrd teńge) jáne korporatıvtik tabys salyǵyna (260 mlrd teńge) tıesili boldy. Jergilikti bıýdjetterdiń menshikti kiristeri 121%-ǵa atqaryldy jáne 2 trln teńgeden astamdy qurady. Jospar 353 mlrd teńgege asyra oryndaldy. Onyń ishinde salyqtar boıynsha - 328 mlrd teńgege. Barlyq óńirlerde kirister josparlary asyra oryndaldy. Memlekettik bıýdjettiń shyǵystary 98,8%-ǵa, respýblıkalyq bıýdjettiń shyǵystary - 99,5%-ǵa, jergilikti bıýdjetterdiń shyǵystary - 98,4%-ǵa atqaryldy.
Respýblıkalyq bıýdjettiń shyǵystary 9 trln 251 mlrd teńgeni qurady. 45 mlrd teńge atqarylmaǵan. Onyń ishinde únemdeý – 17 mlrd teńge, ıgerilmegeni – 28 mlrd teńge.
"Igerilmeýdiń negizgi sebepteri: konkýrstyq rásimderdi, sharttardy jasasý rásimderin uzaq jáne ýaqtyly ótkizbeý, oryndalǵan jumystar aktilerin usynbaý, karantındik shekteýlerge baılanysty taýarlardy jetkizbeý, naqty kórsetilgen qyzmetter kólemi, oryndalǵan jumystar úshin aqy tóleý, sondaı-aq respýblıkalyq bıýdjettiń qolma-qol aqshany baqylaý shotyndaǵy qarajattyń jetkiliksizdigi", — dedi mınıstr. Jergilikti bıýdjetterdiń shyǵystary 4,9 trln teńgeni qurady. Atqarylmaǵany - 80 mlrd teńge. Aǵymdaǵy jyly óńirlerge 2,3 trln teńge somasynda nysanaly transfertter kózdelgen. Aldyn ala málimetter boıynsha olarǵa 1 qyrkúıekke 1,4 trln teńge bólindi. Onyń ishinde 97,9%-y ıgerilgen. Atqarylmaǵany - 29 mlrd teńge. Onyń ishinde 7 mlrd teńge únemdeldi, 22 mlrd teńge ıgerilmedi. О́tken 8 aıda kameraldyq baqylaýmen somasy 12,3 trln teńgege 1 mln asa memlekettik satyp alý rásimi qamtyldy. Tekserý qorytyndylary boıynsha somasy 4,6 trln teńgege buzýshylyqtar eskertildi. 1 myńnan asa aýdıtorlyq is-shara ótkizildi.
"Aýdıtpen 603 mlrd teńge bıýdjet qarajaty qamtyldy. Somasy 168 mlrd teńgege qarjylyq buzýshylyqtar anyqtaldy. Taýarlar jetkizilimin qalpyna keltirý, qyzmetter kórsetý jáne jumystardy oryndaý, bıýdjetke óteý jáne esep boıynsha kórsetý jolymen 162 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 966 usynym berildi. Onyń ishinde 760-y oryndaldy", — dedi E. Jamaýbaev.
2016-2020 jyldarǵa arnalǵan Jekeshelendirýdiń keshendi jospary 93%-ǵa oryndaldy. 2020 jyly 74 obektini satý josparlanyp otyr. Onyń ishinde 38-i satylymǵa qoıyldy. Esepti kezeńde somasy 88,4 mlrd teńgege 6 obekti satyldy. Saýda-sattyqta 32 obekti tur. 5 obekti qaıta uıymdastyrýǵa jáne taratýǵa jiberildi. 18 obekti jyl sońyna deıin satýǵa qoıylatyn bolady. 13 obekt boıynsha iske asyrý merzimi 2021-2024 jyldarǵa aýystyryldy. Esepti kezeńdegi bıýdjettiń atqarylý nátıjeleri osyndaı.
