Úkimet • 11 Qyrkúıek, 2020

Úkimet basshysy Tótenshe jaǵdaılar mınıstrin tanystyrdy

773 ret kórsetildi

Premer-Mınıstr Asqar Mamın Tótenshe jaǵdaılar mınıstrliginiń ujymyna vedomstvo basshysy Iýrıı Ilındi tanystyrdy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

A.Mamın Memleket basshysynyń qaıta qurylǵan Tótenshe jaǵdaılar mınıstrliginiń aldyna tabıǵı jáne tehnogendi sıpattaǵy tótenshe jaǵdaılardyń aldyn alý jáne olardy joıý, turǵyndarǵa shuǵyl medısınalyq jáne psıhologııalyq kómek kórsetý, órt qaýipsizdigin qamtamasyz etý jáne azamattyq qorǵanysty uıymdastyrý boıynsha salmaqty mindetter qoıyp otyrǵanyn atap ótti. 

"Barlyq uıymdastyrý sharalaryn jedel ótkizip, negizgi mindetterdi oryndaýǵa kirisý qajet", dedi A.Mamın.

1

Ilın Iýrıı Vıktorovıch 1968 jyly 9 sáýirde RKFSR-dyń Kýıbyshev qalasynda týǵan. I.S.Konev atyndaǵy Almaty joǵary jalpy áskerı komandalyq ýchılıshesin "shynjyr tabandy jáne dóńgelekti mashınalardy paıdalaný jónindegi ınjener" mamandyǵy boıynsha, Qyrǵyz memlekettik zań akademııasyn "Zańger" mamandyǵy boıynsha támamdaǵan.

1992-1996 jyldary Ýkraınanyń Sýmsk oblysynyń azamattyq qorǵanysynyń kýrstarynyń oqytýshysy jáne bastyǵynyń orynbasary bolyp jumys istedi. 1996-2005 jyldary Almaty oblystyq jáne qalalyq tótenshe jaǵdaılar basqarmalarynda qyzmet atqardy.

2005 jylǵy naýryzdan bastap – Almaty qalasy Tótenshe jaǵdaılar departamenti basshysynyń orynbasary. 2011 jylǵy jeltoqsannan bastap 2013 jylǵy naýryzǵa deıin Almaty qalalyq Jumyldyrý daıyndyǵy, azamattyq qorǵanys, avarııalar men dúleı zilzalalardyń aldyn alýdy jáne olardy joıýdy uıymdastyrý basqarmasyn basqardy.

2013 jylǵy naýryz aıynda Almaty qalasy ákiminiń orynbasary bolyp taǵaıyndaldy.

2015 jylǵy qazan aıynda – QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

2016 jylǵy sáýir aıynan bastap qazirgi tańǵa deıin QR ishki ister mınıstriniń orynbasary qyzmetin atqardy, general-maıor.

Uqsas jańalyqtar