Álem • 13 Qyrkúıek, 2020

Fransııada koronavırýstyń rekordty juǵýy tirkeldi

13 ret kórsetildi

Fransııa jurtynda bir kúnde pandemııa bastalǵaly bolmaǵan rekordty aýrý tirkeldi, dep habarlaıdy Egemen.kz eldiń Densaýlyq saqtaý mınıstrliginiń baspasóz qyzmetine silteme jasap.

Táýlik ishinde 10 561 adamǵa aýrý juǵýy fransýzdardy úrkitip tastaǵandaı. Budan buryn 11 qyrkúıekte 9843 jannyń vırýs juqtyrǵany anyqtalǵanda jıyrylǵan halyq, endi ol odan da 718 adamǵa kóbeıip ketkenine qatty alańdaýshylyq bildirýde.

Alǵashqy rekordty aýrý tirkelgen 11 qyrkúıekte Fransııa premer-mınıstri  Jan Kasteks eldegi COVID-19-dyń  ósimine qynjyla, barsha fransýzdardy áleýmettik qashyqtyqqa muqııat bolýdy, saqtyq sharalaryn qatań ustanyp, vırýs anyqtaý úshin test tapsyrýǵa shaqyrǵan edi. Al tamyzdyń aıaǵynda Parıj bıligi qala turǵyndaryna tegis tumsha taǵyp júrýdi mindettegeni jaıynda buryn da jazǵan bolatynbyz. Tipti júgirýge shyqsańyz da tastamańyz, áıtpegende aýrý taralýyna tosqaýyl qoıa almaýymyz múmkin dep qaýip bildirgen-di.

 

Sońǵy jańalyqtar

Uqsas jańalyqtar