Halyqaralyq mýzeıaralyq yntymaqtastyq týraly qujatqa qol qoıý rásimi, Reseı Qarýly Kúshteri Ortalyq murajaıynyń Jeńis zalynda ótti. Memorandým aıasynda Ulttyq áskerı-patrıotyq ortalyǵynyń bastyǵy Orynbasar Qarabaev pen Ortalyq mýzeı dırektory Aleksandr Nıkonov ekspozısııalyq-kórmelik, rýhanı-adamgershilik jáne mádenı-aǵartýshylyq qyzmetti damytýda jan-jaqty shyǵarmashylyq ózara is-qımyl jasaý qajettigin atap ótti.
Atalǵan qujatpen QR QK Ulttyq áskerı-patrıottyq ortalyǵy men RF QK Ortalyq murajaıy, memleketter arasyndaǵy dostyq qarym-qatynas pen kóptegen ǵasyrlar boıǵy elderdiń ortaq tarıhyn taǵy da rastaı tústi.
Kezdesý barysynda taraptar qazaqstandyqtardyń, aty ańyzǵa aınalǵan Panfılov dıvızııasynyń jaýyngerlik joly týraly materıaldardy Máskeý shaıqasynyń 80 jyldyǵyna jáne Uly Otan soǵysy jyldarynda KSRO astanasyn qorǵaǵan jaýyngerlerdi máńgi este saqtaýǵa arnalǵan fotoqujattyq kórmesin qalyptastyrýǵa qatysýy týraly kelisti.
