Almaty qalalyq Tótenshe jaǵdaılar departamentiniń málimetine sáıkes, saǵat 14 qyrkúıekte túngi 1:15-te órt týraly habar kelip túsken. Belgili bolǵandaı, órt Túrksib aýdany Súıinbaı dańǵyly, 567 mekenjaıynda ornalasqan jazǵy alańy bar "Kahýrı" kafesinde órt shyqqan. О́rt sóndirýshiler oqıǵa ornyna kelgende "Kahýrı" dámhanasy men onyń qasyndaǵy jazda otyratyn oryn órtenip jatqan. Tilsiz jaý ǵımarattyń shatyryn sharpyp úlgergen. Dámhananyń ishki qabyrǵalary aǵashtan jasalǵandyqtan órt jyldam tarap ketken.
"Jaqyn aradaǵy úılerdi órtten saqtaý maqsatynda eki top jumys istedi. Ǵımarat ishinen 50 l úlken gaz ballony shyǵaryldy. Sonyń arqasynda jarylystyń aldyn aldyq", - delingen habarlamada.
Qyzyl jalyn 24 mınýt ishinde 465 sharshy metr aýmaqty sharpyp úlgergen. Oqıǵa saldarynan eshkim zardap shekpegen.
