Qoǵam • 15 Qyrkúıek, 2020

Jahandy jaılaǵan jegi

17 ret kórsetildi

Fransııada bir kúnde pandemııa bastalǵaly bolmaǵan rekordty aýrý kórsetkishi tirkeldi, dep habarlaıdy atalǵan eldiń densaýlyq saqtaý mınıstrliginiń baspasóz qyzmeti.

Táýlik ishinde 10 561 adamǵa aýrýdyń juǵýy fransýzdardy úreı­lendirip tastaǵandaı. Qyr­kúıek­tiń 11-de 9843 jannyń vırýs juqtyr­ǵany anyqtalǵanda jıy­rylǵan halyq, endi bul kórset­kishtiń taǵy 718 adamǵa kóbeıip ketkenine alańdaýshylyq bildirýde.

 

Alǵashqy rekordty aýrý tirkel­gen 11 qyr­kúıekte Fransııa premer-mınıstri Jan Kasteks eldegi COVID-19-dyń ósimine qynjyla otyryp, barsha halyqty áleýmettik qashyqtyqqa muqııat bolýdy, saq­tyq sharalaryn qatań ustanyp, vırýs­qa test tapsyrýǵa shaqyrdy. Al ta­myz­dyń sońynda Parıj bıligi qala tur­ǵyndaryna tegis tumsha taǵyp júrýdi mindettegen edi. Tipti júgirýge shyqsa da taǵý qajet.

 * * *

Ulybrıtanııada SARS-CoV-2-ke qarsy vaksına ázirleýdegi aǵylshyn-shved birlesken jobasy toqtap qalǵan bolatyn. REGNUM agent­tigi AstraZeneca farm­kompanııasynyń Oksford ýnıversıtetimen odaqtasa qolǵa aly­nyp, biraq biraz ýaqytqa toq­ta­tylǵan jumy­sy qaıta jalǵas­ty degen habar taratty.

Oǵan sebep bolǵan COVID-19-ǵa qar­sy vaksına ázirleýde tájirıbeden ótip júrgen bir eriktiniń aýyryp qa­lýy edi. Bul – erikti aǵza­syna vaksı­na tıgizgen janama áser bolýy múm­kin dep dereý tájirıbe toqtatylǵan bola­tyn. Alaıda eldegi Dáriler men medı­sı­nalyq maq­sattaǵy zattardyń sapasyn qadaǵalaıtyn agent­tik (MHRA) vak­sınanyń zııansyzdyǵy týraly qor­­ytyndy jasap, vaksınanyń ári qa­raı­­ táji­rıbeden ótýine jol ashypty.

 * * *

Venesýela bıligi osyǵan deıingi ishki jáne syrtqy áýe qatynas­taryn toqtatqan sheshimin taǵy da uzartty.

Pandemııanyń Latyn Amerıkasy elderine tyrnaǵyn qatty batyrǵany málim. Osyǵan deıin de syrttan adam kelýine shekarasyn nyqtaǵan el, endi ony ári qaraı soza túsý qajet degen uıǵarymǵa kelgen kórinedi. Áýe qatynastaryn 30 kúnge shektegen shara qazan aıynyń 12-ine deıin jalǵasatyn boldy. Bul tek adamdardyń elge kirip-shyǵýyna qatysty, al gýmanıtarlyq jáne poshta men júk tasýǵa esh kedergi joq deıdi el úkimeti.

 * * *

Brazılııa halqynyń eńsesin basqan epıdemııa qursaýyn bosatar emes. О́tken táýlikte 814 adam kóz jumǵan.

Jalpy, 131 210 brazılııalyq indettiń qurbany boldy. Elde SARS-CoV-2 juqtyrǵandar 4  315  687 adamdy qurap, Latyn Amerıkasyndaǵy barlyq syrqattyń teń jartysy bir Brazılııadan shyǵyp otyr. Soń­ǵy derekterge qaraǵanda, Ońtús­tik Amerıka qurlyǵyndaǵy vırýs juq­tyrǵandar sany 8 mıllıonnan asyp jyǵylǵan.

 * * *

Sankt-Peterbýrg bıligi COVID-19-ben kúres úshin qosymsha stasıo­narlar ashýǵa májbúr boldy.

Semashko atyndaǵy №38 kóp­beıindi aýrýhana ınfeksııalyq stasıonar qyzmetin atqarýǵa kóshti. Bul jaıynda Sankt-Peterbýrg densaýlyq saqtaý komıtetiniń baspasóz qyzmeti habarlady.

REGNUM agenttigi atalǵan klı­nı­kanyń osymen ekinshi ret óz beıi­nin ózgertip otyrǵanyn jazady. Al­ǵa­shynda aýrýhana qabyrǵasynda 1550 pasıent emdelip shyǵyp, óziniń qalypty jaǵdaıdaǵy qyzmetine oral­ǵan mekeme eger qajet bolsa qaıtadan ınfeksııalyq stasıonarǵa aýysý múm­kindigin eskergen. Sol ýaqyt týdy, klınıka ekinshi ret SARS-CoV-2-ge qarsy kúreske jumyldy.

Reseı Federasııasynyń qura­myndaǵy ózge aımaqtar ishinen indet taralýy boıynsha Neva boıyn­daǵy ásem qala aldyńǵy orynǵa shyǵyp, ótken táýlikte 23 pasıent ómirmen qoshtasypty. Jalpy, Pe­ter­býrg boıynsha KVI-den ajal qush­qandar sany 2630 adam bolyp, ólim kórsetkishi jóninen Máskeýden keıin tur.

 

 

 

Sońǵy jańalyqtar

Uqsas jańalyqtar