Qoǵam • 16 Qyrkúıek, 2020

Ekinshi tolqynǵa daıarlanyp jatyr

53 ret kórsetildi

Kúz ben qys mezgilderinde koronavırýs ınfeksııasynyń qozýy baıqalǵan jaǵdaıda qıyndyqtardyń aldyn alý úshin elordadaǵy emdeý mekemelerin jabdyqtaý men ózge de qajetti ázirlik jumystary júrgizilip jatyr.

Qaladaǵy medısınalyq uıymdar koronavırýs pen pnevmonııany emdeýge qajet qosymsha jabdyqtarmen qamtamasyz etildi. Búginde el astana­syndaǵy epıdemııalyq jaǵdaı turaq­ty. Nur-Sultan qalasy ákimi baspasóz qyzmetiniń habarlaýynsha, qoǵamdyq den­saýlyq saqtaý basqarmasy kúz ben qysqy kezeńde COVID-19-dyń aldyn alý jáne emdeý boıynsha is-sharalar josparyn daıyndap bekitti.

О́tken jaz aılarynda vırýs juq­tyr­ǵan adamdar nópiri kóbeıgende medısına uıymdary aldynan shyqqan prob­lemalardy sheshý úshin bul kúnde 50-den astam jasandy tynys alý apparaty, 2 kompıýterlik tomograf, ókpeniń zaqymdaný paıyzyn kórýge múmkindik beretin 7 sandyq rentgen júıesi, 3 ottegi rezervýary qosym­sha satyp alyndy. Sonymen qatar qa­la­nyń emdeý mekemelerine 500-den as­tam ottegi konsentratory, 250-ge jýyq jasandy jeldetý tynys alý ap­paraty, 300-ge jýyq floýmetr, 500 kóp­fýnksıonaldy arnaıy kereýet jetkizil­gen.

Qala ákiminiń orynbasary Baq­tııar Máken birqatar medısınalyq uıymdardy aralap, kúz jáne qys aılarynda maýsymdyq aýrýlar – JRVI men tumaýdyń kóbeıýin esten shyǵarmaýy qajettigin aıtyp, meke­melerdiń COVID-19 indetine daıyndyǵyn tekserdi.

«Demalys kúnderi karantın sharalaryn engizý arqyly qalada COVID-19-ǵa qatysty ahýal turaq­taldy. Medısına mekemeleri men qyzmet­kerlerge aýyrtpalyq túspeýi úshin qatań sanıtarlyq normalardy saqtaýdy jalǵastyrý qajet. Koronavırýspen kúreske daıyndyq toqtamaıdy. 110 ton­nadan astam dári-dármek satyp alynyp, mekemeler medısınalyq jabdyqtarmen qamtamasyz etilýde. Kúzde órshıtin JRVI indetimen birge koro­navırýsqa qatysty ahýal da kúrdelenýi múmkin. Oǵan bizdiń barlyq medısına uıymdary daıyn. Jaqynda medısınalyq jabdyqtardan basqa jyljymaly flıýorografııalyq keshender, sandyq rentgen júıeleri jáne joǵary dáldiktegi jeldetkishter de keledi. Mysaly, búginde stasıonarlardy ókpeni jasandy jeldetý apparatymen qamtamasyz etý shamamen 94 paıyzdy quraıdy», dedi B.Máken.

Sondaı-aq ol qala ákimdiginiń jeke jáne respýblıkalyq klınıkalardyń kompıýterlik tomografııa apparattaryn elorda emhanalary men stasıonarlaryna bekitý týraly kelisimge qol qoıǵanyn atap ótti. Qazir kompıýterlik tomograftardyń jalpy sany – 19. Qajet bolsa, qalanyń barlyq 17 stasıonary qaıta ashylyp, ınfeksııamen kúreske jumyldyrylmaq.

Qalada 5 medısınalyq mekemeniń aıasynda 1645 kereýet jasaqtalyp, oǵan qosa elordadaǵy kópbeıindi klınıkalar jedel jáne josparly túrde pasıentterge kómegin jal­­ǵas­tyra bermek. Bul alǵashqy ke­zeńde atqarylatyn jumys bolsa, ekin­shi kezeńde qosymsha 1500 kereýet respýblıkalyq dárejedegi aýrý­hana­lardyń qatysýymen júr­gizil­edi. Al úshinshi kezeńde, tek qaladaǵy emdeý oryn­darynda ǵana emes, qonaqúıler keshenderi, jataqhanalar da vırýspen kúresetin stasıonarlarǵa aınalady.

Qalalyq qoǵamdyq densaýlyq saqtaý basqarmasy basshysynyń orynbasary Álııa Rústemova: «Mun­daı sharalar qosymsha 5600 ınfeksııalyq kereýetter jasaqtaýǵa, onyń ishinde 465 (reanımasııa) jan saqtaý ornyn ashýǵa múmkindik jasaıdy», deı kele, qala turǵyndary úshin eń bastysy, sanıtarlyq normalardy qatań ustaný ózińdi de, jaqyndaryńdy da aýrýdan saqtaýdyń joly ekenin qadap aıtty.

Sonymen elordadaǵy emdeý oryn­dary daıyndyqsyz emes. Alǵash­qy medısınalyq-sanıtarlyq kó­mek uıymdarynyń deńgeıinde COVID-19 sımptomsyz jáne aýrýy­ jeńil bolyp keletin, sondaı-aq indet juqtyrǵandarmen baılanysqa túsken naýqas­tardy qashyqtyqtan basqarý boıynsha jumys uıymdastyrý kózdelip, oǵan qosymsha KVI jáne pnevmonııaǵa shaldyqqan naýqastarǵa úı jaǵdaıynda aýrýhanalar ázirleý, sondaı-aq olarǵa aqysyz dári-dármek­ter berý de qarastyrylǵan eken.

«Qalanyń barlyq emhanasynda mobıldi toptar pasıentterge úıge barý arqyly qyzmet kórsetedi. Indetke kúdikti naýqastardan koronavırýstyq ınfeksııaǵa úıden PTR test alý da qarastyrylǵan. Olardyń sany 207-ni quraıdy», deıdi Á.Rústemova.

Sondaı-aq qalalyq emhanalarda áleý­mettik araqashyqtyqty eskere otyryp pasıentter úshin kútý ból­meleri, respıratorly aýrýlary bar naýqastardy qabyldaý úshin fıltr kabınetteriniń jumys isteýi de qarastyrylyp otyr. Al aýrýǵa shal­dyǵý yqtımaldyǵy joǵary, qaýipti top­taǵy pasıentterdi (gıpertonııa, qant dıabeti, koronarlyq arterııa aýrýy, demikpe jáne basqalary) turaqty túrde baqylaý mobıldi toptardy tartý arqyly jalǵasady. Naýqastardy jos­parly túrde qabyldaý mindetti túrde aldyn ala jazylý arqyly júrgiziledi.

 

Sońǵy jańalyqtar

Uqsas jańalyqtar