"Elordada turǵyn úı̆ sertıfıkatyn alatyn adamdardyń sanatyn keńeı̆temiz. Buryn tizimde tolyq emes; kópbalaly; múgedek bala baǵyp otyrǵan otbasylar bolsa, qazir tizimge halyqtyń áleýmettik az qamtylǵan sanattarynyń bárin qosamyz. Onyń ishinde jetim balalar da qamtylady. Azamattardy qabyldaý kezinde jıi kóteriletin máseleniń biri – baspana. Páter alý joldaryn qarastyrýdy ótingen asyraýshysy joq balalarmen birneshe ret kezdestim. Sanatty keńeı̆tý qujatynyń josparyn máslıhattyń aldaǵy sessııasyna qaraýǵa beremiz. Quqyqtyq-normatıvtik prosedýralar aıaqtalǵan soń, sertfıkat alýshylar sanatynyń jańa tizimin bekitemiz. Turǵyn úı̆ sertfıkatynyń mólsheri – 1 mln teńge. Olardy "Shańyraq" (5-10-20) jobasyna qoldanýǵa da bolady", deıdi Altaı Kólginov.
Buǵan deıingi bekitilgen tizimge engen: jetim balalar; I jáne II top múgedekteri; zeı̆netkerler; UOS ardagerleri jáne solarǵa teńestirilgender; memlekettik, qoǵamdyq nemese áskerı tapsyrma oryndaý kezinde qaza bolǵandardyń otbasylary qosylady. Sonymen birge ekologııalyq apat kezinde, tabıǵı nemese tehnogendik TJ kezinde baspanasynan aı̆yrylǵandar; bóten elderdiń aýmaǵynda urysqa qatysqandar; "Altyn alqa", "Kúmis alqa" ıegeri nemese ertede "Batyr ana" ataǵyn alǵan kópbalaly analar; I jáne II dárejeli "Ana dańqy" ordenimen marapattalǵandar; kópbalaly otbasylar jáne t.b. kiredi.
"Memleket Basshysynyń tapsyrmasymen bıyl qoljetimdi baspana qurylysyn úsh esege ulǵaı̆ttyq.
Buǵan qosa, Qazaqstan ıpotekalyq kompanııasymen birlesip, áleýmettik páter alatyndardyń sanatyn da keńeı̆ttik. Bıyl 1 myń páterdi dárigerler men muǵalimderden basqa áleýmettik qyzmetkerler, polısııa, mádenıet jáne sport qaı̆ratkerleri de ala alady", deıdi elorda ákimi.
