2013 jylǵy 18 sáýir, Astana qalasy
Retteletin naryq sýbektileriniń taýarlaryna (jumystaryna, qyzmetterine) baǵalar esepteý ádistemesin bekitý týraly
«Tabıǵı monopolııalar týraly» 1998 jylǵy 9 shildedegi Qazaqstan Respýblıkasy Zańynyń 13-baby 1-tarmaǵynyń 4) tarmaqshasyna, Qazaqstan Respýblıkasy Úkimetiniń 2007 jylǵy 12 qazandaǵy № 943 qaýlysymen bekitilgen Qazaqstan Respýblıkasy Tabıǵı monopolııalardy retteý agenttigi týraly erejeniń 21-tarmaǵynyń 7) tarmaqshasyna sáıkes buıyramyn:
1. Qosa berilip otyrǵan Retteletin naryq sýbektileriniń taýarlaryna (jumystaryna, qyzmetterine) baǵalar esepteý ádistemesi bekitilsin.
2. Qazaqstan Respýblıkasy Tabıǵı monopolııalardy retteý agenttiginiń Temirjol kóligi, azamattyq avıasııa porttar salasyndaǵy retteý departamenti (G.Q. Ybyraeva):
1) osy buıryqty Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkeýdi;
2) osy buıryq buqaralyq aqparat quraldarynda resmı jarııalanǵannan keıin Qazaqstan Respýblıkasy Tabıǵı monopolııalardy retteý agenttiginiń Internet-resýrsynda jarııalaýdy qamtamasyz etsin.
3. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (S.P. Bazarbaev) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin:
1) ony buqaralyq aqparat quraldarynda zańnamada belgilengen tártippen resmı jarııalaýdy qamtamasyz etsin, keıin jarııalanǵany týraly málimetti Qazaqstan Respýblıkasy Tabıǵı monopolııalardy retteý agenttiginiń Zań departamentine (S.S. Metenova) usynsyn.
2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleriniń jáne aýmaqtyq organdarynyń nazaryna jetkizsin.
4. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary A.J. Dúısebaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Tóraǵa M. OSPANOV.
Qazaqstan Respýblıkasy Tabıǵı monopolııalardy retteý agenttigi tóraǵasynyń
2013 jylǵy 18 sáýirdegi №122- nq buıryǵymen bekitildi
Retteletin naryq sýbektileriniń taýarlaryna
(jumystaryna, qyzmetterine) baǵalardy esepteý ádistemesi
1. Jalpy Erejeler
1. Osy Retteletin naryq sýbektileriniń taýarlaryna (jumystaryna, qyzmetterine) baǵalardy esepteý ádistemesi (budan ári – Ádisteme) «Tabıǵı monopolııalar jáne retteletin naryqtar týraly» Qazaqstan Respýblıkasy Zańynyń 13-baby 1-tarmaǵynyń 4) tarmaqshasyna sáıkes ázirlendi.
2. Ádisteme retteletin naryq sýbektileriniń taýarlaryna (jumystaryna, qyzmetterine) baǵalardy esepteý tetigin aıqyndaý maqsatynda ázirlendi (budan ári – Sýbektiler).
3. Osy Ádistemeniń maqsattary úshin mynadaı uǵymdar qoldanylady:
ekonomıkalyq negizsiz shyǵyndar – jedel qyzmetti, qoldanysqa engizilgen aktıvterdi jańadan óndirýge qoldanystaǵy aktıvterge jáne amortızasııalyq aýdarymdarǵa salynǵan qoldanystaǵy kapıtal boıynsha qaıtarýdy qamtamasyz etýmen baılanysty Sýbektilerdiń shyǵyndary.
Osy Ádistemede paıdalanylatyn ózge de termınder men uǵymdar tabıǵı monopolııalar jáne retteletin naryqtar týraly Qazaqstan Respýblıkasynyń zańnamasyna sáıkes qoldanylady .
2. Sýbektilerdiń taýarlaryna (jumystaryna, qyzmetterine) arnalǵan baǵalardy esepteý
4. Sýbektilerdiń taýarlaryna (jumystaryna, qyzmetterine) baǵalardy esepteý úshin myna formýla qoldanylady.
Zi = Si +Ri (1) mundaǵy
Zi – i qyzmetine baǵalar
Ci – i qyzmetiniń ózindik quny;
Pi - i qyzmetine paıda.
5. Sýbektilerdiń taýarlaryna (jumystaryna, qyzmetterine) baǵalardy qalyptastyrý Tabıǵı monopolııalar jáne retteletin naryqtar týraly Qazaqstan Respýblıkasy zańnamasynyń talaptaryn, onyń ishinde Qazaqstan Respýblıkasy Úkimetiniń 2009 jylǵy 3 naýryzdaǵy № 238 qaýlysymen bekitilgen Retteletin naryqtarda baǵany belgileý erejelerin eskere otyryp júzege asyrylady.
6. Sýbektilerdiń retteletin qyzmetterin usynýdyń ózindik quny myna formýla boıynsha esepteledi:
∑Sij
Ci = --------, (2), mundaǵy:
Nij
Ci - taldaý jasalatyn kezeń ishinde usynylatyn i qyzmet birliginiń ózindik quny;
Sij - taldaý jasalatyn kezeń ishinde usynylatyn i qyzmet jasaýdyń tehnologııalyq prosesine (jeli elementterin qoldaný) súıene otyryp, aıqyndalatyn ekonomıkalyq negizsiz shyǵyndar somasy;
Nij – zańnamada belgilengen tártippen aıqyndalatyn, Sýbektiniń qyzmetti tutynýshylarmen jasaǵan sharttarymen, Sýbektiniń zattaı kórsetkishte taldaý jasalatyn kezeń ishinde usynylatyn baǵalar deńgeıin qoldaý nemese kóterý maqsatynda kólemderdi tómendetýge jol bermeý múmkindikterine súıene otyryp, nıet hattamalarymen jáne esepterimen rastalǵan rettelip kórsetiletin i qyzmetin usynýdyń josparlanǵan jyldyq kólemi
7. Negizdelgen baǵaǵa qosylǵan i qyzmetine paıda deńgeıi Sýbektilerdiń tıimdi jumys isteýin jáne damýyn, onyń ishinde jańa aktıvterdi jasaýǵa, keńeıtýge, qalpyna keltirýge, jańartýǵa, qoldaǵy bar aktıvterdi qoldaýǵa, rekonstrýksııalaýǵa, negizgi qarajattardy tehnıkalyq qaıta jaraqtandyrýǵa ınvestısııalyq qajettilikti qamtamasyz etetin qarajattardy eskeredi jáne myna formýla boıynsha esepteledi:
∑Rij
Ri = --------,
(3), mundaǵy:
Nij
Ri – taldaý jasalatyn kezeńdegi i qyzmettiń birligine paıda;
Pij - Sýbektilerdiń tıimdi jumys isteýin jáne damýyn, onyń ishinde jańa aktıvterdi jasaýǵa, keńeıtýge, qalpyna keltirýge, jańartýǵa, qoldaǵy bar aktıvterdi qoldaýǵa, rekonstrýksııalaýǵa, negizgi qarajattardy tehnıkalyq qaıta jaraqtandyrýǵa ınvestısııalyq qajettilikti qamtamasyz etetin paıda deńgeıi.
Buıryq Qazaqstan Respýblıkasynyń Ádilet mınıstrliginde 2013 jylǵy 21 mamyrda Normatıvtik quqyqtyq kelisimderdi memlekettik tirkeýdiń tizilimine №8478 bolyp engizildi.
