Rýhanııat • 19 Qyrkúıek, 2020

Meshit ashyq aspan astyndaǵy murajaıǵa aınalady

698 ret kórsetildi

Qazaqstannyń kıeli jerleri kartasyna engizilgen Aqtóbe oblysyndaǵy on nysannyń biri - Dosjan ıshan  meshiti men medresesi qaıta qalpyna keltirilip, ashyq aspan astyndaǵy murajaıǵa aınalatyn kúni de jaqyn. Temir aýdanynyń ortalyǵy Shubarqudyq kentinen 3 shaqyrym jerdegi HIH ǵasyrdyń ortasyndaǵy eski qurylys ornyn shilde  aıynan bastap Qýanysh Álıev bastaǵan mańǵystaýlyq sheberler qaıta jańartýǵa kiristi, dep habarlaıdy Egemen.kz.

Qashaquly Dosjan (1815-1890) Aqtóbe oblysynyń qazirgi Baıǵanın aýdanynyń aýmaǵyndaǵy Qaınar degen jeri men Temir aýdanynyń Shılisý ózeniniń boıynda meshit-medrese salyp, tóńirektegi aýyldardyń balalaryn oqytqan jan. Munymen birge el-jurtyn jer kásipshiligine baýlyp, ózi bas bolyp osy jerdegi ózen boıyna jemis baǵyn otyrǵyzǵan kózi qaraqty, bedeldi adam bolǵan. Ol Mekkege qajylyqqa úsh ret sapar shekken, otarlyq júıege, kúshpen shoqyndyrý saıasatyna qarsy bolyp, eldiń yntymaǵy úshin kúresken dinı qaıratker.  Abaıdyń ákesi Qunanbaımen birge qajylyq saparǵa barǵanda, Mekkede qazaq qajylaryna arnap Taqııajaı úı turǵyzýǵa qarjylaı kómek kórsetip, qurylys jumystaryn basqarǵan degen derek te bar.  

"HIH ǵasyrdyń ekinshi jartysynda Temir ózeniniń boıynda dinı mekteptiń negizin qalap, balalardy sol kezdegi zamanaýı bilimge baýlyǵan kózi ashyq  Dosjan Qashaqulynyń urpaqtary keńes ókimeti kezinde qýǵyn-súrginge ushyrap, meshittiń kúmbezi men bólikteri tolyǵymen qıratylǵan. Osy kúnge deıin  meshit-medrese ǵımaratynyń tek jartylaı qıraǵan qabyrǵalary ǵana jetken.  Eski meshittiń janyndaǵy qorymǵa áýeli Dosjan ıshan, keıin  balalary jerlengen eken. Bıylǵy jyldyń  shilde aıynan bastap "Rýhanı jańǵyrý" baǵdarlamasy aıasynda burynǵy sáýleti negizinde meshit-medrese ǵımaraty qaıta turǵyzylyp, aldaǵy ýaqytta ony  ashyq aspan astyndaǵy murajaıǵa aınaldyrý josparymyzda bar",- dedi Temir aýdanynyń ákimi Joldas Batyrhan. 

Osy jerge taıaý Shılisý ózeniniń jaǵasynda    Dosjan ıshan otyrǵyzǵan alma baǵynyń ornyna bıylǵy kóktemde 300 túp alma kóshetteri otyrǵyzyldy.

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar