Joba jasaýǵa qyzyqqan jazasyn óteýshiniń birinshi jobasyna Máskeý avıasııa ınstıtýtynyń ınjenerleri kómek beripti.
– Qazir men jaı oılanyp, jazyp-syzyp qoımaımyn, janymda ıdeıalarymdy júzege asyrýǵa kómektesetin taǵy bir avtor bar. Máskeýlik ınstıtýtqa, onyń ınjenerlerine alǵys aıtamyn. Meniń jobalarymdaǵy negizgi maqsat – elimizde «jasyl ekonomıkany» damytýǵa atsalysý. Qazaqstannyń ozyq tehnologııalardy qoldanýshy ǵana emes, ony óndiretin jańalyqtardyń eli bolǵanyn qalaımyn, – deıdi ol.
– Azamat 2014 jyly sottalǵan. О́ziniń aıtýynsha, esirtkige táýeldilik saldarynan qylmys jasaǵan ol qazir ózgergen. Jazasynyń jumsarýyna baılanysty ol óziniń jańa ıdeıalarynyń kórinýine umtyla bastady. Endi eki aıdan soń patenttik bıýro naqty sheshim qabyldaıdy, – deıdi Qylmystyq-atqarý júıesi Mańǵystaý oblystyq departamenti bastyǵynyń orynbasary Qanat Jarylǵapov.
Jańa ómirge bet burǵandaı jan dúnıesin tynyshtyqpen baılanystrǵan azamat óz ýaqytynyń kóp bóligin ósimdikterge kútim jasaýǵa arnaıdy. О́zi muny tabıǵatty túsinýge jáne jańa ıdeıalardyń ómirge kelýine múmkindik beredi dep esepteıdi.
Mańǵystaý oblysy
