Nur Otan partııasy Halyqty jumyspen qamtý jol kartasyn uzartýdy usynady

"Qasym-Jomart Kemeluly Toqaev memleket halqyna Joldaýynda "qazirgi kúrdeli jaǵdaıda bizdiń basty mindetimiz – áleýmettik-ekonomıkalyq turaqtylyqty, jumyspen qamtýdy jáne halyqtyń tabysyn saqtaý" dep atap ótti. Onyń erekshe basymdyq bere aıtqan oıynyń túıini – qoldaý, kómek, qamqorlyq boldy. Olar ara-tura emes, turaqty bolýy kerek. Qalaı bolǵanda da, álemdegi jaǵdaı qalypqa kelgenge deıin jalǵasýy tıis. Iаǵnı Elbasy men Prezıdent saıasatynyń baǵyttaryn damyta otyryp, áleýmettik bastamalardy toqtatpaı, óristetý kerek! Qazaqstannyń kóptegen damyǵan elderden aıyrmashylyǵy, áleýmettik tólemderdi qysqartyp, salyqty kóbeıtpeı, kerisinshe, azamattarǵa osy qıyn ýaqytta kómek kórsetý úshin barlyq jaǵdaı jasaýǵa múmkindigi bar", dep atap ótti partııalyq kýrator.

Onyń aıtýynsha, osyǵan oraı Nur Otan partııasy júzdegen myń qazaqstandyq paıdalana alatyn zeınetaqy qarajatyn merziminen buryn alý kezinde tabys salyǵyn alyp tastaý týraly bastama kóterdi.

О́z kezeginde Jumyspen qamtýdyń jol kartasy – pandemııa kezinde óziniń tıimdiligin dáleldegen halyqty qoldaýdyń mańyzdy sharalarynyń biri. Sonyń arqasynda qazirdiń ózinde 177 myńnan astam qazaqstandyq jumysqa ornalastyryldy. Olardyń aı saıynǵy tabysy ortasha eseppen 90 myń teńgeni quraıdy. Jobamen qamtylǵandardyń 40%-y – jumyspen qamtý ortalyqtary arqyly júgingen jastar. Baǵdarlama jastarǵa tabys tabýdan basqa, qazirgi jaǵdaıda tipti qajettiligi artatyn jumys tájirıbesin alýǵa múmkindik beredi.

"Aqmola oblysynyń Býrabaı aýdanynda 3-toptaǵy múgedek Denıs Prıadko turady. Ol kolledjdegi oqýyn aspazshy mamandyǵy boıynsha aıaqtap, jol kartasy boıynsha jumysqa ornalasty. Bul mysal baǵdarlamanyń qarapaıym adamdarǵa ómirde óz ornyn tabýǵa, qabiletterin júzege asyrýǵa kómektesetinin aıqyn kórsetedi. Mundaı mysaldar kóp", dedi Artýr Platonov.

Jumysqa ornalastyrý problemalaryn sheshýmen qatar, ınfraqurylymdyq jobalardy iske asyrý mýltıplıkatıvtik áser berdi.

"Bir ǵana Ekibastuz qalasynda 11 kópqabatty úı salynady. Bul degenimiz jaqyn arada 1,3 myńnan astam otbasy qonys toıyn toılaıdy degen sóz. Medısınalyq qyzmetkerler úshin 5 myń turaqty jumys ornyn quratyn 2,7 myń tósek-oryndyq 13 modýldi aýrýhana qurylysy júrgizilýde. Saıabaqtar men skverler salý, kóshelerdi kógaldandyrý, balalar men sport alańdaryn ornatý esebinen 900-ge jýyq eldi meken abattandyrylady", dedi ol.

Artýr Platonov atap ótkendeı, iske asyrylyp jatqan bastamalar jumys oryndaryn quryp qana qoımaı, azamattardyń ómirin sapaly túrde jaqsarta otyryp, oń áserin tıgizdi. Dese de, búginde pandemııanyń ekinshi tolqynynyń oryn alý yqtımaldyǵyna baılanysty ekonomıkalyq ahýaldyń quldyraý qaýpi saqtalýda. Bul jumyssyzdyqtyń artýyna jáne azamattardyń edáýir bóliginiń ál-aýqatynyń nasharlaýyna ákelýi múmkin.

Baǵdarlamanyń áleýmettik mańyzdylyǵyn eskere otyryp, Nur Otan partııasynyń kýratory 2021 jyly Jumyspen qamtý jol kartasyn iske asyrýdy jalǵastyrýdy jáne ony iske asyrýǵa qarjy bólýdi usynady. Sonymen qatar, meılinshe qomaqty nátıjege qol jetkizý úshin Artýr Platonov eń kóp jumys oryndaryn quratyn jáne barynsha jumyspen qamtamasyz etetin jobalardy tańdaý qajet dep sanaıdy.

"Jumyspen qamtýdyń jol kartasyn iske asyrý barysyn naqty ýaqyt rejiminde qadaǵalaýǵa múmkindik beretin mamandandyrylǵan aqparattyq júıeni jasaý durys bolar edi. Sondaı-aq Nur Otan partııasynyń belsendilerin jergilikti halyqtyń suranystaryna nazar aýdara otyryp, jobalardy irikteý men qalyptastyrýǵa tartqan jón", dep túıindedi partııalyq kýrator.