"Aldaǵy jylý maýsymyna daıyndalyp jatyrmyz. Eń aldymen mektep, balabaqsha, medısına mekemeleri cııaqty áleýmettik nysandarǵa jylý beriledi. Áleýmettik mekemelerdiń ǵımarattary jylý maýsymyna tolyq daıyn. Sondaı-aq, kóppáterli turǵyn úılerge de jylý berile bastaıdy. Jańa nysandarǵa qosatyn jylý kózderin anyqtadyq, qazir qýatty tekserilip jatyr", deıdi Altaı Kólginov.
Sondaı-aq qala ákimi jeke sektor turǵyndary úshin qalanyń ár jerinde ornalasqan 11 kómir satatyn oryn belgilengenin atap ótti.
Alyp-satarlyq pen túsinbestik boldyrmas úshin kómir qoımalaryna kómir jetkilikti mólsherde ákelindi. Kómirdiń baǵasy men túri týraly tolyq aqparatty 109 jelisine habarlasyp bilip otyrýǵa bolady.
"Eldi mekenderdi gazdandyrý jumysy jalǵasyp jatyr. Máselen, Jeleznodorojnyı eldimekeninde gazben jabdyqtaıtyn taratý jelileri tolyq júrgizilgen. Promyshlennyıda, 2-shi Kóktalda 95%, 1-shi Kóktalda jumystar 80%-ke bitip tur. Mundaı jumystar Agrogorodok, Ońtústik-Shyǵys turǵyn alaptarynda da júrip jatyr. Osy turǵyn alaptardaǵy úıler, onyń ishinde Agrogorodoktyń jartysy bıylǵy jylý maýsymynda gazdy qoldana alady. Turǵyndar úılerin gazǵa qosýǵa tehnıkalyq sharttar alý úshin front-keńselerge barýy kerek", deıdi elorda ákimi.
Budan ózge, bıyl 1-JEO men 2-JEO bir bóligin gazǵa kóshiriledi. Aýa temperatýrasy 5 kún shamasynda +10 gradýs (jáne odan tómen) bolyp tursa, onda jylý berý bastalady.
