Jasyl jelekti «jaqtyrmaıtyn» Aqtaý

Bir kezderi «Mańǵystaýda egin egip, aǵash otyrǵyzýdyń emin taptyq, ol – tamshylatyp jáne shashyratyp sýarý. «Qalaýyn tap­sa, qar janar» demekshi, endi bul ólkede tek óńkeı qaraǵashtar emes, aǵashtyń basqa da túrleri, kókmaısa qulpyratyn bolady. Baıaǵysha jabaıy egip, jaıdaq sýarý – qur shyǵyn eken» dep qýana jar salyp, jerdiń jaıyn, egin egýdiń babyn biletinderdi taýyp, bul baǵyttaǵy jumystarǵa ózgeshe ekpin, jańasha serpin bere iske kirispek bolǵandar esi­­mizde. Alaıda qýanysh tek ha­­bar kúıinde qaldy. Al jyl sa­ıyn jazda Aqtaý qalasynda kó­she boıy taldaryn sýarý uly aıqaıǵa ulasady. Bıyl da kóz al­dy­myzdaǵy kóshedegi aǵashtar sýǵa sýsaǵan kúıinde jadap-jú­dep jaz­dy ótkizdi...

Biraq tıisti oryndardyń talaby jaqsy, sý joq dep tarty­nyp qalmaıdy, tal egýden jańyl­maı­dy. Bıyl Aqtaýda kúzgi maý­symda 960 metr aýmaqqa 160 ja­pyraqty jáne 160 qylqan ja­pyraqty, bar­lyǵy 320 aǵash otyr­ǵyzý jos­parlanyp otyr.

Mamandardyń aıtýynsha, kúz­­­­de kóshet otyrǵyzý sýyq aýa ra­­ıy­nyń bastalýynan 15-20 kún bu­ryn aıaqtalýy kerek. Aqtaýda aǵash otyrǵyzý aǵymdaǵy jyl­dyń qyrkúıek aıynyń ortasynan qa­rashanyń ortasyna deıin júzege asy­rylady. Sondaı-aq aldaǵy ýaqytta 7 myń sharshy metr jerge kógal egý de josparda tur.

Jalpy, Aqtaýda 67 myńǵa jýyq aǵash bar. 2019 jyldan ber­gi aralyqta qala aýmaǵynda 1 150 dana aǵash, 3 myń dana raý­­shan gúl, 12 myń dana buta, 218 myń dana bir jyldyq gúl otyr­ǵyzyldy. Qalada bıyl 5 myń shar­­shy metr jerge kógal egilip, or­talyq kóshelerge bir jyl­­dyq gúlder men raýshan gúl­de­ri otyrǵyzyldy. Jańadan sýa­­rý qubyrlary shaǵyn aýdan bu­­­rysh-bu­ryshyna, saıabaqtarǵa, skver­­­­lerge jáne áýejaı jolyna or­­na­­tyla bastady. Gúl men shóp egil­gen jerlerge sprınklerlik, ıaǵ­nı jańbyrsha shashyratyp sýarý ádisi qosylǵan. Búgingi tań­da abat­tandyrý jumystary jal­ǵasýda.

– Shashyrata sýarý ádisi bo­ıyn­­sha jasalǵan qubyrlardy tek­­serý jumystary júrýde. Ja­ryl­­­ǵan jerleri jasalyp, qala aýma­­­ǵynda qubyr joq jer­ler­ge ja­ńasy ornatylady. Jospar bo­ıynsha jol jıekterine orna­tý­dy kóz­dep otyrmyz, dedi «Qa­la jol­dary» JShS basshysy Ǵ.Serikbaev.

Jumys júrip jatyr. Biraq jańbyry sırek óńirde jaz bas­ta­lysymen neshe kóshettiń, qan­sha óskinniń kóktemeı solyp, qý­raǵan qalpy qurdymǵa ketetini ýaıym.

Mańǵystaý oblysy