"Eki kúndik is-shara (22-24 qyrkúıek aralyǵynda) jol-kólik oqıǵalarynyń aldyn alýǵa jáne azaıtýǵa, olardyń saldarynyń aýyrlyǵyna baǵyttalǵan. Onyń maqsaty - aldyn-alý jumystaryn kúsheıtý jáne jol paıdalanýshylary arasynda jol qaýipsizdigi talaptarynyń saqtalýyn baqylaý, tıisti qoǵamdyq tártipti, jol qaýipsizdigin qamtamasyz etý jáne jol-kólik oqıǵalaryn azaıtý. JAISh kúnderi jeke quram kúsheıtilgen nusqada qyzmet etedi. Sondaı-aq, "Qaýipsiz jol" naýqany aıasynda jolaýshylar men júkterdi avtokóliktermen tasymaldaýdy júzege asyrýda jol qaýipsizdigin baqylaýǵa erekshe nazar aýdarylatyn bolady", dep habarlady Almaty qalalyq PD ákimshilik polısııa Basqarmasynyń bastyǵy, polısııa polkovnıgi Jandos Muratalıev.
Sonymen qatar, bólimshede jaýyngerlik qyzmettiń jeke quramyna júktelgen negizgi mindet- jol júrý erejelerin buzýshylyqtardy anyqtaý jáne jolyn kesý.
"Sondaı-aq, júrgizýshiler men jaıaý júrginshiler arasynda Jol qozǵalysy erejelerin saqtaý boıynsha quqyqtyq túsindirý jumystary júrgiziletin bolady. Kóbine jol apatyna tek júrgizýshiler ǵana emes, jaıaý júrginshiler de kináli. Sondyqtan men jol qozǵalysynyń barlyq qatysýshylaryna júgingim keledi, kóshelerdi qatań belgilengen jaıaý júrginshiler ótkelderinen jáne tek jasyl baǵdarshamnan ótińizder. Júrgizýshiler óte muqııat bolýy , jol erejesin buzbaýy jáne jyldamdyqty saqtaýy kerek", dedi polkovnık Muratalıev.
