Ǵımarattyń qurylysy 2019 jyly bastalyp, 2020 jyldyń sońynda tapsyrylýy kerek edi. Aldyn-ala málimet boıynsha qurylysqa 1,171 mıllıard teńge bólingen.
Uıǵyr aýdanynyń ákimi Shýhrat Nurahýnov ǵımarat nege qulady degen suraqqa jaýap bere almaı otyr. Jaqyn arada obektige tergeý júrgizetin arnaıy komıssııa kelýi tıis.
"Mamandar tergeý júrgizedi. Kúndiz tek temir qulady. Tek bir jerde shatyr qulady. Qazir eshqandaı málimet aıta almaımyz", dep túsindirdi Nurahynov.
Eske salaıyq, Almaty oblysynyń Shonjy aýylyna búgin, saǵat 10:00 shamasynda tekserý komıssııasy barýy tıis bolǵan. Egemen.kz aldaǵy ýaqytta oqıǵanyń mán-jaıyn anyqtap, tolyq aqparat beredi.
