Fransýzdardyń test tapsyrmaı Italııa aýmaǵyna kirgizilmeıtini týraly qujatqa Italııa Densaýlyq saqtaý mınıstri Roberto Speransa 21 qyrqúıekte qol qoıǵan.
Italııanyń kári qurlyqta pandemııa áý bastan tyrnaǵyn qatty batyrǵan memleket ekeni barshaǵa aıan. Aýrýhanlarda oryn jetpeı kóshelerde vırýs juqtyrǵan jandardyń em qabyldaǵany, kóptegen ıtalııalyqtardyń ómirmen qoshtasqany belgili. Sondyqtan da alǵashqy soqqydan eseńgirep qalǵan ıtalııalyqtardyń bul qareketin túsinýge bolady. Sáýirdiń sońynan shildeniń basyna deıin aýrý sany azaıyp kelgen Italııada mine, eki aıdyń júzine taıandy aýrý tirkelýdiń ósýi baıqalady. Al qaıtys bolǵandardyń arasynda jastar men orta býyn ókilderiniń kóp bolýy da jurtshylyqty alańdatyp otyr.
Fransııadaǵy COVID-19-ǵa qarsy saqtyq sharalarynyń kúsheıgenine qaramastan munda KVI órship barady. Tek kesheniń ózinde 5298 adam aýrý juqtyryp, 827 pasıent aýrýhanalardyń jansaqtaý bóilimderinde jatqan kórinedi.
О́tken joly "Jeńilmeıtin Fransııa" partııasynyń serkesi Jan-Lıýk Melanshonnyń resmı Parıjdi ekinshi tolqynmen kúreske daıyn emes, aýrýhanalarda oryndar jetkiliksiz, medısına qyzmetkerleriniń de sany az dep synaǵanyn jazǵan edik.
