Bul kompıýterlik tehnıka oblys mektepteriniń materıaldyq bazasyn nyǵaıtýǵa jáne olardy ári qaraı qashyqtan oqytý kezinde áleýmettik osal otbasylardyń balalaryna ýaqytsha paıdalanýǵa berýge arnalǵan.
"Memlekettik satyp alýdyń arnaıy tártibin aıqyndaý týraly" Qazaqstan Respýblıkasy Úkimetiniń 2020 jylǵy 20 naýryzdaǵy № 127 qaýlysyna sáıkes atalǵan kompıýterlik tehnıkany memlekettik satyp alý týraly tikeleı shart jasasý jolymen arnaıy tártipti qoldana otyryp bir kózden alý tásilimen satyp alý kózdelgen.
Úkimet bólgen qarajatqa oblys mektepteri úshin kompıýterlik tehnıkany memlekettik satyp alýdyń ashyqtyǵyn qamtamasyz etý úshin quramynda "Nur Otan" partııasy oblystyq fılıalynyń, Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Aqmola oblysy boıynsha departamentiniń, arnaıy monıtorıngtik toptyń, "Akmola-adaldyk alany" jobalyq keńsesiniń, Qamqorshylyq keńestiń, bilim basqarmasynyń ókilderinen turatyn qoǵamdyq komıssııa quryldy.
Bilim berý uıymdarynyń bilim alýshylaryn qamtamasyz etý úshin kompıýterlik tehnıkany memlekettik satyp alýdy Aqmola oblysy bilim basqarmasynyń "Aqmola aımaqtyq bilim berýdegi jańa tehnologııalar ortalyǵy" KMM júzege asyrady.
Memlekettik satyp alýdy uıymdastyrýshy kompıýterlik tehnıkany jetkizýshilerdi tańdaýdy jetkiziletin ónimniń tehnıkalyq sıpattamalardyń ólshemderine, málimdelgen ónimdi jetkizý merzimderi men kólemderine qatań sáıkestigin eskere otyryp, qoǵamdyq komıssııanyń usynymy negizinde júzege asyrdy.
Aýdandar men qalalardyń bilim bólimderinde, daryndy balalarǵa arnalǵan oblystyq mamandandyrylǵan mektep-ınternattarda kompıýterlik tehnıkany qabyldaý jáne odan ári taratý úshin bilim berý bólimi, IT mamandar, "Nur Otan" partııasy, "Akmola-adaldyk alany", táýelsiz ókilder jáne ata-analar qaýymdastyǵy ókilderinen turatyn jumys komıssııalary quryldy.
Kelesi ónim berýshilermen kompıýterlik tehnıkany satyp alýǵa sharttar jasaldy:
kompıýterler:
1."XFinity Solutions" JShS - ár birligi 158,0 myń teńgeden 177118,0 myń teńgege 1121 dana kóleminde;
2."KazInterServıs-Astana" JShS - ár birligi 158,0 myń teńgeden 201766,0 myń teńgege 1277 dana kóleminde.
noýtbýkter:
1."MOBY SERVIS" JShS - ár birligi 137,0 myń teńgeden 347569,0 myń teńgege 2537 dana kóleminde;
2."S.M. Kırov at. zaýyt" AQ - ár birligi 137,0 myń teńgeden 2055000,0 myń teńgege 15000 dana kóleminde.
planshetter:
"MOBY SERVIS" JShS - ár birligi 48,0 myń teńgeden 149184,0 myń teńgege 3108 dana kóleminde.
Úkimet rezerviniń qarajatynan 2602 planshet jáne 2398 kompıýter jetkizildi. Tehnıkalyq erekshelikter boıynsha sáıkessizdikterge baılanysty 2398 dana kompıýterler jetkizýshilerge keri qaıtaryldy. Qazirgi ýaqytta ónim berýshiler qajetti aýystyrýlardy jasaýda: jelilik Wi-fi adapteri ornatylýda. Aýystyrylǵannan keıin kompıýterler aǵymdaǵy jylǵy 27 qyrkúıekke deıin mektepterge beriledi.
Blıýtýzdyń bolmaýyna baılanysty ónim berýshilerge 2602 birlik planshetter keri qaıtaryldy. Aýystyrylǵannan keıin planshetter aǵymdaǵy jylǵy 27 qyrkúıekke deıin mektepterge beriledi.
Kompıýterlik jabdyqtardy jetkizý merzimi: jasalǵan sharttarǵa sáıkes aǵymdaǵy jylǵy 15-20 qyrkúıegi aralyǵynda. Alaıda, bul jetkizý merzimderi kelesi sebepter boıynsha ózgerdi: karantındik sharalardy qataıtý jáne QHR-men memlekettik shekarada aýyr júk kólikterin ótkizýdi shekteý jınaqtaýshy jabdyqty jetkizýdiń sharttyq merzimderin aýystyrýǵa ákeledi. Osyǵan baılanysty kompıýterlik tehnıkany jetkizý merzimi sozylýda.
17537 noýtbýktiń jetkizý merzimi 27 qyrkúıekten bastap, qalǵan 506 planshet – 23 qyrkúıekten bastap.
Sonymen qatar jergilikti bıýdjet qarajatynan 514,7 mln teńgege oblys mektepterine 2394 kompıýterlik tehnıka satyp alyndy.
