"Búgingi kúni ortalyqtandyrylǵan sý júıesine 2277 aýlanyń 1992-si qosyldy",-deıdi ákim.
Biraq bul málimet túsiniksiz, bul aýdan ortalyǵyndaǵy aýlalar sany bolý kerek. Aýdan oralyǵynda 7 myńdaı halyq turady. Sonymen birge 7 aýyldyq aýmaq ortalyqtandyrylǵan sýmen qamtylǵan. Naqty qaı aýyldar ekeni aıtylmaǵan.
Al 200-den az turǵyny bar 12 aýylda keshendi blok modýlden sý ishedi.
"Qazir 825 adam turatyn 230 aýlasy bar Mútkenov aýyly men 359 adam turatyn 106 aýlasy bar Harkovka aýylynda sý qubyrlarynyń qurylysy júrgizilýde. Jospar boıynsha qurylys jumystary 2021 jyldyń tamyz aıynda aıaqtalady", - dedi Qarshyǵa Arynov.
Aýdannyń 14 aýyldyq aýmaǵynda blok modýlder jáne taǵy 12 aýylda shaǵyn blok modýlder jumys isteıdi. Bıyl taza aýyzsýmen qamtý nysandaryn ustap, kútýge aýdan bıýdjetinen 70 mıllıon 700 myń teńge bólindi. Sý jelileriniń jalpy uzyndyǵy 184,2 shaqyrymdy quraıdy", - dedi aýdan ákimi.
Al "Aqtoǵaı-Servıs" mekemesiniń sýdy taratý jelileri arqyly berý qyzmeti boıynsha tarıf jeke tulǵalar úshin 134,14 teńge/m3, zańdy tulǵalar úshin 207,35 teńge/m3. Sýdy keshennen berý tarıfi lıtrge 1,5 teńgeni quraıdy. Aýdanda 12 264 halyq turady, 3452 úı aýladan turatyn 31 aýyl bar.
