National Geographic fotograftary Nur-Sultan qalasynyń fotosýretterinen kórme uıymdastyrdy. Tamyz aıynan beri ótip jatqan "Uly dala júregi" kórmesinde qazaqstandyq jáne sheteldik avtorlardyń 150-den astam jumysy usynylǵan. Olardyń arasynda Djordj Steınmetsten basqa, búkil álemdi sharlaǵan Antonio Politano, Sasin Tipchai, Nıkıta Basov, Turar Qazanǵapov, sondaı-aq Batyrlan Tólegenov, Aleksandr Fılıpenko, Evgenıı Tkachenko, Aıbek Ahanov jáne basqa da tanymal otandyq fotograftardyń tańǵajaıyp sýretteri qoıylǵan.
Fotosýretterde elordanyń turmys-tirshiligi, iskerlik jáne mádenı ómiri, jarqyn tulǵalary beınelengen. Sonymen qatar erekshe gastronomııasy, sport álemi jáne qalanyń kórikti jerleri de kórsetiletin bolady.
"Uly Dala júregi" fotokórmesiniń maqsaty – ataqty sheteldik jáne otandyq fotograftardyń fotokameralary arqyly búkil álemge Nur-Sultan qalasyn jan-jaqty kórsetý.
Sýretterdi "Han Shatyr" SOS ortalyǵy janyndaǵy alańnan tamashalaýǵa bolady. Is-shara barlyq sanıtarlyq normalardy saqtaı otyryp ótkiziledi. Uıymdastyrýshylar barlyq erejelerdi qatań saqtaý, maska taǵý, qashyqtyqty saqtaý jáne sanıtaızerlerdi paıdalaný qajettiligin eske salady.
Aıta keteıik, Qazaqstan astanasynyń sýretterin álemniń kez kelgen núktesinen myna silteme arqyly nursultankorme.kz onlaın kórýge bolady.
