«Qazaqstan Respýblıkasynyń halyqaralyq sharttary týraly» 2005 jylǵy 30 mamyrdaǵy Qazaqstan Respýblıkasy Zańynyń 11-babynyń 1) jáne 2) tarmaqtaryna sáıkes ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige Fakýltatıvtik ekinshi hattamany QR Parlamenti mindetti túrde ratıfıkasııalaýy tıis, óıtkeni ol adamnyń jáne azamattyń quqyqtary jáne bostandyqtarymen baılanysty, sondaı-aq Qazaqstan Respýblıkasynyń zańdarynda kózdelgennen ózge erejelerdi belgileıdi.
Osylaısha, atalǵan halyqaralyq shart QR Parlamentimen ratıfıkasııadan ótkennen keıin ǵana kúshine enedi.
Ratıfıkasııalaý kezinde ekinshi Fakýltatıvtik hattamanyń 2-babynyń 1-tarmaǵyna sáıkes memleket áskerı sıpattaǵy neǵurlym aýyr qylmystar jasaýdaǵy kinásin moıyndaǵannan keıin soǵys ýaqytynda ólim jazasyn qoldanýdy kózdeıtin jalǵyz eskertpe jasaı alady.
QR Konstıtýsııasynyń 15-babynyń 2-tarmaǵyna sáıkes «ólim jazasy adamdardyń qaza bolýymen baılanysty terrorıstik qylmystar jasaǵany úshin, sondaı-aq soǵys ýaqytynda erekshe aýyr qylmystar jasaǵany úshin eń aýyr jaza retinde zańmen belgilenedi». Tıisinshe Hattamanyń kúshine enýi úshin eldiń negizgi Zańyna tıisti túzetýler, sondaı-aq ulttyq zańnamaǵa ózgerister engizý qajet.
