"О́rttiń aldyn alý maqsatynda jáne jylytý maýsymyna daıyndyq kezeńinde aqparattyq túsindirý jumystary júrgiziledi. Jyl saıyn TJM tapsyrmasyna sáıkes, órtke qarsy is-sharalardy jappaı nasıhattaýǵa baǵyttalǵan "Turǵyn úı sektoryndaǵy órt qaýipsizdigi aılyǵy" ótedi. Budan bólek jergilikti atqarýshy organdardyń qyzmetkerlerimen júrgizilgen reıd nátıjesinde 648 úıde 749 órt qaýipsizdigi talaptaryn buzý anyqtalǵan", dedi Murat Muhanov.
Onyń aıtýynsha, 2020 jyldyń 9 aıynda oblys aýmaǵynda 178 órt, turǵyn-úı sektorynda 65 órt oryn aldy. Qaza tapqandar tirkelgen joq. Gazdan ýlaný saldarynan 2 adam jaraqat aldy. Oblystyń barlyq eldi mekenderi ortalyqtandyrylǵan gazben qamtamasyz etilgen. Oryn alǵan jaǵdaılar turǵyndardyń órt qaýipsizdigi erejelerin saqtamaýynan týyndaǵan.
