Búgin Almatyda Memleket basshysy Qasym-Jomart Toqaev Prezıdent janyndaǵy Ulttyq qoǵamdyq senim keńesiniń músheleri Qaırat Joldybaıulymen jáne Andreı Chebotarevpen kezdesý ótkizdi.
Qoǵam qaıratkeri Qaırat Joldybaıulymen kezdesýde demografııalyq saıasat, óskeleń urpaqtyń rýhanı-adamgershilik tárbıesi jáne elimizdegi balalar ádebıetin damytý máseleleri talqylandy.
«Alternatıva» ózekti zertteýler ortalyǵynyń dırektory Andreı Chebotarev Prezıdenttiń Qazaqstan halqyna arnaǵan Joldaýynda aıtylǵan bastamalaryna qoldaý bildirdi. Atap aıtqanda aýyl ákimderiniń tikeleı saılaýyn ótkizýdiń mańyzdylyǵy elimizdiń saıası transformasııa úderisindegi taǵy bir oń qadam ekenin aıtty. Sonymen qatar kezdesýde jergilikti ózin-ózi basqarý isin odan ári damytý, memlekettik strategııalyq josparlaý júıesin jaqsartý, múlik menshikteriniń birlestigin qurý jáne onyń qyzmeti jónindegi usynystar qarastyryldy.
