Osyndaı jastardyń biri Qasymhan Qaıyrkenov «Umaı jer» jaýapkershiligi shekteýli seriktestiginde kombaınshy bolyp isteıdi. Áriptesteri jas kombaınshynyń boıyndaǵy teorııalyq bilim men óz mamandyǵyna degen súıispenshiligin joǵary baǵalaıdy. О́ıkeni Qasymhan kolledjde oqyp júrgen kezinde osy sharýashylyqta tájirıbeden ótti. Tájirıbelik jumys barysynda ózin jaqsy jaǵynan kórsete bildi. Árdaıym jumysqa yntaly ári tabandy jastyń qolynan is keletinine senim bildirgen sharýashylyq basshylary atalǵan kolledjdi bitirip kelgen soń birden jumysqa qabyldady.
– Kombaınshy bolý ońaı-ospaq sharýa emes, – deıdi Qasymhannyń ózi, – kúzgi egin oraǵy kezinde ýaqytpen sanaspaı jumys isteý kerek eken. Onyń ústine tehnıkany búge-shigesine deıin meńgergeniń jón. Osy oraıda kolledjde tııanaqty bilim bergen ustazdaryma aıtar alǵysym mol. Sol bilimniń nátıjesinde jańa tehnıkanyń qyr-syryn ıgerip, tájirıbesi tolysqan aǵa býyndy óksheleı eńbek etýdemiz. Men áýel basta osy mamandyqty tańdap alǵanyma qýanyshtymyn. О́ıtkeni «As atasy – nan» demekshi, dala erleriniń aq adal eńbekteriniń óte abyroıly sharýa ekendigine kózim anyq jetip otyr. Biz eldiń yrysy men berekesin keltirýge tyrysýdamyz.
Ádette, jastarǵa degen senim olardyń boıyndaǵy kásibı biliktilikke qaraı ornyǵady. Máselege osy turǵydan kelgende kolledj oqýshylarynyń zamanaýı tehnıkany ıgerýge degen yntasynyń zorlyǵyn jáne sol talap bıiginen shyǵyp otyrǵandyǵyn aıqyn kórýge bolady. Eger elimizdiń árbir jasy Qasymhan qurbylaryndaı bolsa, aýyl sharýashylyǵy da, ózge salalar da qaryshtap alǵa jyljıtyndyǵyna kúmán joq.
Bıyl alǵash ret astyq jolyndaǵy arpalysqa qatysyp, ábden shyńdalǵan Qasymhandardyń alar bıigi alda. Ilkiden jalǵasqan eńbek tájirıbesin jete meńgerse, kásiptik-tehnıkalyq kolledjdegi teorııalyq bilimmen ushtastyrsa, dala tósinde tabany tastan taımaǵan tarlanbozdaı eseli eńbek etken dańǵaıyr dıqandardyń jolyn jalǵastyratyn bolady.
Qazir alǵashqy egin oraǵynda táp-táýir tájirıbe jınap shyńdalǵan Qasymhan ózinen keıingi býynǵa tálimger bolyp júr.
Aqmola oblysy
