Sonymen bastapqyda birinshisiniń salmaǵy 1100 gr, al ekinshisi 686 gr bolyp dúnıegen kelgen shaqalaqtardyń jaǵdaıy aýyr bolǵan. Jansaqtaý bóliminde 28 kún boıy jatqan úlkeni Indıra dárigerler men medbıkelerdiń jumyla qaraǵanynyń arqasynda birtindep salmaq jınap, keıin jańa týǵan náresteler patologııasy bólimine aýystyryldy. Jaqsy bolǵannan keıin sol jerden úıge shyǵaryldy.
Ekinshi náreste Nadıranyń jaǵdaıy tipti qıyn boldy. Ol uzaq ýaqyt boıy ókpeniń jasandy jeldetý apparatynda jatyp, salmaq qosa almaǵandyqtan, 139 kún boıy jańa týǵan nárestelerdiń reanımasııa jáne qarqyndy terapııa bólimshesinde neonatolog dárigerler onyń ómiri úshin kúresti. Endi, mine, medısına qyzmetkerleriniń eren kúsh-jigeriniń arqasynda Nadıra úıine shyqty.
"Indıra men Nadıra dúnıege kelgen kezde, olardy aman alyp qalýǵa bolady degen úmitimiz az boldy. Men olardan aıyrylyp qalamyn dep te oıladym. Sábılerimniń jaǵdaıy qubylyp, endi minekeı bári jaqsy ekenine qýanyp, jáne ol jaqsaryp keledi degende,birese nashar demalyp, birese durys tamaqtana almaı, ábden qorqytty. Qazir Allaǵa shúkir, bári jaqsy. Men barlyq qyzmetkerlerge balalarymdy qutqarǵany úshin rızamyn", deıdi Baıan.
Ortalyqtyń dırektory Ǵanı Bodyqovtyń aıtýynsha, joǵaryda atap ótkendeı, jyl saıyn perınataldyq ortalyqtyń balalar reanımasııasy bólimshesi arqyly 800-ge jýyq bala ótedi, onyń ⅔ shala týǵandar. Neonatologtar týýdyń alǵashqy mınýttarynan bastap olardyń ómiri úshin kúresedi. Balalar ortalyqta týylady, sodan keıin olar qursaqqa uqsaıtyn kıývez-apparattarǵa ornalastyrylady. Munda ottegi keledi, temperatýra men ylǵaldylyq rettelip turady. Onda balalar jasandy jeldetýdi jáne dári-dármekter men qorektik zattardy ishki engizýdi qosa alady. "Kútimniń" osy kezeńinde analar reanımasııaǵa kelip, balanyń janynda bola alady.
"Kútý kezeńi 4 kezeńge bólinedi. Birinshisi – reanımasııa jáne qarqyndy terapııa. Budan keıin shaqalaqtar náresteler men shala týylǵan náresteler patologııasy bólimine aýystyrylady, odan ári emdeledi. Úshinshi kezeń – Ana men bala palatasy, onda shesheleri kishkentaıyn tamaqtandyrýdy jáne shomyldyrýdy úırenedi. Sodan keıin kezeń bastalady, ony analar bir-birimen "besinshi núkte" dep ataıdy. Baladan zondtar shyǵarylady jáne úılerine shyǵarylǵanǵa deıin salmaq jınaý ǵana qalady.
"Shala týylǵan shaqalaqtardy naǵyz batyrlar deýge bolady. О́ıtkeni, sábıdi aman alyp qalýdyń barlyq kezeńi – bul Jeńis. Bala tynys alýdy úırenedi – Jeńis! Anasyn emýdi úırendi – Jeńis! Mine, biz eresektermiz, jáne bizge bala da kerek, biraq meniń oıymsha, bul balalar bizge bir nárse úshin berilgen. Bul kishkentaı balalar bizge shydamdylyqty, meıirimdilik pen mahabbatty úıretedi, olar bizdi jańa bilimge, jetildirýge ıtermeleıdi. Olar – bizdiń ómir súrýge qushtarlyq jolyndaǵy tárbıeshilerimiz", deıdi Ǵanı Bodyqov.
