Bas múftıdiń buıryǵymen Sametov Suńǵat osy meshittiń ımamy bolyp taǵaıyndaldy. Ol buǵan deıin Áıteke bı aýdanynyń Bas ımamy jáne oblystyq ortalyq "Nur Ǵasyr" meshitiniń naıb ımamy qyzmetterin atqarǵan.
Oblystyń bas ımamy Tólebı Ospan ımandylyq úıin salyp bergen barsha azamattarǵa alǵys bildirip, osy jerdiń aqsaqaldary M. Qıynbaev pen M.Jamanǵarınge Bas múftı marapaty men Quran Kárim tartý etti. Osy sharaǵa arnaıy kelgen Aqtóbe qalasynyń ákimi Ashat Shaharov meshit qurylysyna qatysqan azamattarǵa alǵysyn bildire otyryp, ımandylyq úıinde jastardy otansúıgishtikke baýlý, eńbek etip, kásip ashyp, el ıgiligi úshin qyzmetter atqarýǵa shaqyratyn mazmundy da, maǵynaly keshter uıymdastyrylatyndyǵyna senim bildirdi. Bul úshin meshittiń janynda aqsaqaldar keńesi turaqty túrde jumys isteýi kerek, Shara sońynda pandemııa kezinde qaıtys bolǵan marqumdardyń rýhyna Quran baǵyshtaldy.
