Kezdesý barysynda jumys istep turǵan kásiporyndardyń negizgi qorlaryn transformasııalaý jáne sıfrlandyrý perspektıvalaryn qosa alǵanda, tehnologııalyq progressıvti ónerkásipke kóshý múmkindigi talqylandy. «Sıfr» kompanııasy Qazaqstan aýmaǵynda birqatar mańyzdy jobalardy iske asyrý týraly aıtty. Ári Reseı Federasııasynda Indýstrııa 4.0 ortalyǵyn qurý boıynsha tájirıbesimen bólisti. Odan bólek, taraptar ónerkásipti sıfrly transformasııalaýdyń jalǵyz joly retinde adamı kapıtaldy damytýdyń mańyzdylyǵyn atap ótti.
Qazaqstanda otandyq kásiporyndar «Sıfr» kompanııalar tobymen yntymaqtastyq ınnovasııalyq ónimder men sheshimderdi ıntegrasııalaý úshin platforma qurýǵa, sonymen birge jergilikti kadrlardyń quzyrettiligin damytýǵa múmkindik beredi.
«Sıfr» kompanııalar toby ónerkásiptik jasandy ıntellekt jáne ınternet zattary negizindegi sheshimderdi ázirlep, engizedi. Robottandyrylǵan ónerkásiptik kólik ındýstrııasyn damytady. «Sıfr» kompanııasynyń ónimderi Reseı, Fınlıandııa, Úndistan, Fransııa, Germanııa, Bolgarııa, Rýmynııa, Sıngapýr, Marokko, Chılı, Perý, OAR-dyń taý-ken óndirý, munaı-gaz, hımııa jáne mashına jasaý salalarynyń tıimdiligi men qaýipsizdigin arttyrady. Kezdesý qorytyndysy boıynsha taraptar keleshekte yntymaqtastyqty nyǵaıtýǵa daıyn ekendikterin bildirdi.
