Sport • 01 Qazan, 2020

Italııaǵa bet aldy

311 ret
kórsetildi
1 mın
oqý úshin

3 qazanda velosporttan «Týr de Frans» jarysynan keıingi orynda tura­tyn «Djıro d’Italııa» grand-týry bas­talady. 15 qazanǵa deıin sozyla­tyn kópkúndikte Qazaqstannyń «As­tana» veloklýbynyń da sportshylary baq synaıdy.

Italııaǵa bet aldy

Sonaý 1909 jyldan beri uıymdastyrylyp kele jatqan dúbirli doda bıyl 103-márte ótkizilip jatyr. Italııa tas joldaryndaǵy dástúrli jarysta qazaqstandyq komanda jyl saıynǵy básekede táýir óner kórsetip júr. Tipti «Astananyń» eki veloshabandozy úsh ret jarys jeńimpazy atanǵan. Atap aıtsaq, 2008 jyly ıspanııalyq Alberto Kontador bir ret jáne 2013, 2016 jyldary ıtalııalyq Vınchenso Nıbalı eki márte osy jarystyń bas júldesin oljalap, «Astananyń» abyroıyn asqaqtatqan edi. Sonymen qatar jekelegen kezeńderde basqa da veloshabandozdarymyz tuǵyrdyń bıik satysynan kórindi.

Bıylǵy jarysqa «Astana» veloklýbynan myna sportshylar qatysady: Iаkob Fýlsang, Aleksandr Vlasov, Mıgel An­hel Lopes, Iýrıı Natarov, Manýele Boaro, Fabıo Fellıne, Vadım Pronskıı jáne Oskar Rodrıges.

 

 

Sońǵy jańalyqtar