Aımaqtar • 01 Qazan, 2020

Nur-Sultanda muǵalimderdiń quqyǵyn qorǵaıtyn keńes jumys isteıdi

28 ret kórsetildi

Keńestiń basty mindeti – pedagogıkalyq ádepti qamtamasyz etý jáne saqtaý, muǵalimder quqyqtary buzylýynyń aldyn alý, dep habarlaıdy ákimdiktiń resmı saıty. Bul týraly brıfıng barysynda bilim berý salasyndaǵy sapany baqylaý departamentiniń basshysy Baǵymkúl Kóptileýova málimdedi. Bul týraly elorda ákimdiginiń baspasóz qyzmeti habarlady.

"Osy jyldyń tamyz aıynan bastap pılottyq joba iske qosylyp, keńes jumysy bastaldy. Onyń quramyna bilim berý júıesimen tanys bedeldi adamdar men bilikti mamandar kirdi. Búgingi tańda erejeler, jumys jospary men otyrystar kestesi bekitildi", - dedi Baǵymkúl Kóptileýova.

PÁK músheleri Pedagogterdiń respýblıkalyq tamyz keńesi sheńberinde QR BǴM sessııalyq otyrystarynyń jumysyna belsendi qatysty. Qyrkúıek aıynda Pedagogıkalyq ádep máseleleri jónindegi keńes elordalyq bes bilim berý uıymynyń ujymdarymen "pedagog daýysy" ashyq dıalog formatynda kezdesýler ótkizdi. Is-shara barysynda muǵalimder jaǵdaıdy jaqsartý boıynsha óz pikirlerin, usynystaryn bildirdi. Aldaǵy ýaqytta mundaı kezdesýler jalǵasatyn bolady.

"Elordalyq pedagogtar óz quqyqtaryn qorǵaý boıynsha keńes ala alady jáne keńes múshelerine óz daýystary jetetinderine senedi. Jumys bastalǵannan beri óz quqyqtaryn qorǵaý boıynsha kómek alý úshin bizge Nur-Sultan mektepterinen on pedagog júgindi, olardyń máselelerin sheshilip, kómek kórsetildi", – dep atap ótti spıker.

Sonymen birge, keńes shaǵymdardy qaraý bólimine aınalmaýy kerek dep basa aıtyldy. Keńestiń bilim berý uıymdary basshylarynyń esepterin tyńdaýǵa, bilim berý salasyndaǵy zańnamany saqtaý máselelerin qaraýǵa, memlekettik organdardan qajetti aqparat alýǵa, zań normalaryn buzatyn adamdardy laýazymnan bosatý jóninde usynystar engizýge, sondaı-aq Nur-Sultan ákimine júginýge quqyǵy bar.

Pılottyq jobany iske asyrý qorytyndysy boıynsha, pedagogıkalyq ádep jónindegi keńesterdi elimizdiń barlyq óńirlik departamentterinde qurý josparlanýda.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar