Birinshi bolyp kortqa shyqqan Iýlııa Pýtınseva álemdik reıtıngte 131-orynda turǵan argentınalyq Nadıa Podoroshkamen kezdesip, úsh sette (6:3, 6:1, 6:2) jeńilip qaldy. Erler arasyndaǵy básekeniń alǵashqy aınalymynda álemdik reıtıngte 15-orynda turǵan ıtalııalyq Fabıo Fonınıdi jeńgen Mıhaıl Kýkýshkın ekinshi kezeńde reıtıngte 105-orynda turǵan ıspanııalyq Pedro Martınes Porteromen kezdesti. Bul básekede qazaqstandyq tennısshiniń oıyny múldem júrgen joq. Jerlesimiz úsh sette (6:3, 6:1, 6:0) ese jiberdi.
Sonymen qatar álemniń 9-raketkasy fransııalyq Gael Monfısti utyp, sensasııa jasaǵan Aleksandr Býblık ekinshi kezeńde álemniń 46-raketkasy ıtalııalyq Lorenso Sonegony jeńe almady. Úsh setke sozylǵan matchta jerlesimiz 6:7, 1:6, 5:7 nátıjesimen jol berdi. Osylaısha, búginge deıin tórt tennısshimiz «Rolan Garros» jarysymen qosh aıtysty. Endigi bar úmit elimizdiń birinshi raketkasy Elena Rybakınada. Ekinshi aınalymda ol Fransııa ókili Fıona Ferromen kezdesedi.
