О́zge ult ókili qazaqshaǵa aǵyp tursa, áli tańǵalamyz. Tańǵalatynymyz zańdy da. О́ıtkeni keıbir qazaqtyń ózi ana tiline muryn shúıire qaraǵan soń ózge ult ne qylsyn deımiz ishteı. Al Zaısan qalasynyń týmasy Nadejda Aleksandrovna oryssha balabaqshaǵa baryp, mektepte oryssha oqysa da qazaqtyń tiline degen qurmeti erekshe.
– «Tilin bilmegen túbin bilmeıdi. Ondaı adam kúldirem dep kúıdiredi, súısindirem dep súrindiredi, bildirem dep búldiredi, qýantam dep qýartady, keltirem dep ketiredi, jubatam dep jylatady». Mine, Ǵabıt Músirepovtiń osy sózi janyma jaqyn. Qanshama mán jatyr?! Qazaq bolyp týdyń ba, qazaqsha sóıleýge tıissiń. Al ár balaǵa ana tili ana sútimen darıdy. Sony esten shyǵarmaýymyz kerek, – deıdi Nadejda.
Fılologııa fakýltetin támamdaǵan Nadejda Shýshanıkova qyzmet jolyn aýdarmashy bolyp bastaǵan. Búginde ol – ilespe aýdarmanyń da bilikti mamany. Onyń qazaq tiline degen qyzyǵýshylyǵy mektep qabyrǵasynda júrgende-aq artqan. Sóıtip óziniń degenine jetip, orys synybynyń oqýshylaryna sabaq berip júr. Buǵan deıin ol oblys ortalyǵyndaǵy lıngvıstıkalyq ortalyqta da ustazdyq etken.
– Oqýshylardyń qazaq tiline degen qulshynysy, qyzyǵýshylyǵy joǵary. Kóbi sabaqty jaqsy oqıdy. Biraq bylaı shyǵa oryssha sóılep ketedi. Qazaq tiline degen qajettilik artsa, olaı bolmas edi, – deıdi qazaq tiliniń ustazy.
«Qaı elde tursań, sol eldiń tilin bilýimiz kerek» degendi jadyna jaqyn ustaıtyn Nadejda úıinde de óziniń eki qyzyna qazaq tilin úıretedi. 8-synyp oqıtyn tuńǵysh qyzy qazaq tilinen joba qorǵaǵan. Bıyl jobasyn jalǵastyryp jatyr. Al joldasy Dmıtrıı qazaqsha sóıleı almaǵanymen, jaqsy túsinedi.
Qazaqsha maqaldap sóılegende qazaqtyń ózin jańyldyratyn Nadejdanyń endigi armany – túrik tilin meńgerý. О́zge tildiń bárin bilip óz tiline, qazaq tiline qurmetpen qaraıtyn orys qyzy shákirtterine ǵana emes, ıisi qazaqqa úlgi.
Shyǵys Qazaqstan oblysy
