Dert juqtyrǵan dárigerlerdiń 88%-y ótemaqy aldy

Mınıstr A.Soı kásibı qyzmetin atqarý bary­synda dertti bol­ǵan dári­ger­lerge beri­letin ótemaqy­nyń ke­shiktirilýi aı­maq­tyq komıs­sııalardyń derekterdi sapa­syz engizýine baılanys­ty ekenin aıtty.

«Búgingi tańda COVID-19 jáne pnev­monııamen barlyǵy 12 830 medı­sına qyzmetkeri aýyrdy, onyń ishin­de 8 339 maman kásibı qyzmeti bary­synda aýrý juqtyryp aldy. О́ńir­lik komıssııalar 8 265 ótinimdi qarap, mundaı jaǵdaılardyń 67%-y
ras­taldy. Mınıstr­liktiń aqparattyq júıesi 570 óti­nimdi qabyldamady, al Eń­bek jáne áleýmettik qorǵaý mınıstr­ligi 60 ótinimdi óńirlerdiń sapasyz en­gi­zýine baılanysty qabylda­mady. Osylaısha qazir óńirlik komıs­sııa­lardyń qa­raýynda 100-ge jýyq ótinim jatyr. Jalpy, aýrý juqtyrǵan me­dı­sınalyq qyzmetkerlerdiń 88%-y nemese jaǵ­daıy aımaqtyq ko­mıssııa­lar deń­geıinde rastalǵan 3 421 maman óte­maqy aldy. О́kinishke qa­raı, Qazaq­stan indettiń kesirinen 182 medısına qyzmetkerinen aıy­ryl­dy. О́ńir­lik komıssııalar qaıtys bol­ǵan dáriger­lerdiń týys­tarynan ótemaqy alý boıynsha 54 ótinimdi ma­quldady. Bul rette óńirlerdiń sapa­syz engizýine baı­la­nysty Densaýlyq saqtaý mınıstr­liginiń aqparattyq júıesi 8 ótinimdi qa­byldamady. Jal­py búginde 42 adam­nyń 34-i ótemaqy aldy, bul qaı­tys bol­ǵandardyń 79%-yn qu­rady», dedi A.Soı.

Sondaı-aq mınıstr indettiń yq­tı­­mal ekinshi tolqyny kezinde dári­­ger­lerdiń ómiri qalaı saqtandy­ryl­ǵany, olardyń emdeý sharalaryna da­ıyn­dyǵy jóninde aıtyp berdi. Ekinshi tolqyn jaǵ­daıynda búkil el boıynsha 70 myń­­nan asa tósektik-oryndy tez orna­­las­tyrýǵa múmkindik bar. Bul qa­tar­­da 51 myń tósektik-oryn ju­mys istep turǵan stasıonarlarda tur.

Dári-dármekpen qamtamasyz etý máseleleri boıynsha birqatar shuǵyl shara qabyldandy. COVID-19 bo­ıynsha 11,4 mlrd teńgege qosymsha eki aıǵa jetetin dárilik zattar qory qalyptastyryldy. Barlyq óńirde neǵurlym suranysqa ıe dárilik zattar boıynsha jalpy somasy shamamen 13 mlrd teńgege turaqtandyrý qorlary quryldy. Sonymen qatar ambýlatorııalyq deńgeıde dári-dármekter tizimi keńeıtildi. Dárilik zattardyń 5 ataýyn qamtıtyn COVID-19 nozologııasy engizildi.

Úıde koronavırýstan emde­lý úshin jyl sońyna deıin 1 mln pasıent­ke tegin dári-dármek qaras­tyryl­ǵan. Halyqtyń osal top­taryn vak­sınalaý úshin tumaýǵa qarsy vak­sınanyń 2,2 mln dozasy sa­typ alyn­dy. Vaksınalaý 15 qyr­kúıekte bas­taldy, búginde shamamen 1 mln adam nemese josparlanǵannyń 44%-y egildi. Aldyn ala esepteýler boıyn­sha respýblıkada 2,8 mln adam nemese barlyq halyqtyń 15%-y tegin vaksınalaýdan ótedi.

Qazirgi ýaqytta ınfeksııalyq jáne provızorlyq stasıonarlarda 3 379 О́JT apparaty bar, qosymsha 2 619 birlik, onyń ishinde 1 500 otan­dyq óndiris apparaty satyp alynyp jatyr. 21 myńnan asa tósek-oryn ottegimen jabdyqtalǵan, qazan aıy­nyń sońyna deıin qosymsha 9 myńǵa jýyq tósektik-oryn qam­ty­lady.