Jańa klınıkany aralap shyqqan qala ákimi medmekemeniń tehnıkalyq jaraqtanýy men jańa sıfrlyq sheshimderin baǵalady.
Gospıtaldiń 30 jansaqtaý palatalarynda 300 tósek-oryn bar. Barlyq tósekter medısınalyq gazben jabdyqtalǵan. Mundaǵy naýqastardyń jaǵdaıy "aqyldy" gospıtaldyń avtomattandyrylǵan júıesi arqyly naqtyly ýaqyt rejıminde táýlik boıyna qadaǵalanady. Baǵdarlama qalanyń medısınalyq aqparattyq júıesimen jáne PACS-daǵy barlyq rentgendik, KT jáne MRT sýretterindegi málimetterdiń sıfrlyq bazasymen jalǵasqan.
Klınıka zamanaýı KT, rentgen, ÝZI apparattarymen jabdyqtalǵan jáne jeke qýatty zerthana da bar, munda saraptamanyń barlyq túrleri, onyń ishinde KVI-diń PTR dıagnostıkasy da jasalady.
Gospıtal qaýipsizdiginiń joǵary ekologııalyq synyby aýany tazartý júıesin, stoktardy, onyń ishinde jaýyn sýyn da zalalsyzdandyrýdy, medısınalyq qaldyqtardy ýtılızasııalaýdy qamtamasyz etedi. Aıta keterligi, abattandyrý kezinde 2 ga aýmaq kógaldandyryldy – gazon jasalyp, qylqan japyraqty aǵashtar otyrǵyzyldy. B. Saǵyntaev Jasyl Almaty baǵdarlamasy aıasynda qosymsha aǵash kóshetterin otyrǵyzýdy tapsyrdy.
Gospıtal 12 bloktan, onyń ishinde 8 palataly bólimderden turady, onyń 2 blogy boksty palatalar jáne 6 jartylaı boksty bloktar. Sonymen qatar, tamaqblogy men kir jýatyn oryn da bar.
Almaty ákimi Baqytjan Saǵyntaev qala turǵyndarynyń densaýlyǵyn saqtaýmen ǵana aınalysatyn dárigerlerdiń oıdaǵydaı jumys jasaýlary úshin qalanyń barlyq jaǵdaılardy jasaıtynyn atap ótti.
"Tórt aıdyń ishinde biz eń zamanaýı qurylǵylarmen jabdyqtalǵan úsh tolyqqandy aýrýhana saldyq. Bulardyń barlyǵy qala turǵyndarynyń denderiniń saý bolýy úshin jasalýda", dep atap ótti B. Saǵyntaev.
Buryndary Almatynyń Túrksib aýdanynda 500 oryndy ınfeksııalyq klınıkanyń ashylǵandyǵy týraly habarlanǵan edi. Sonymen qatar, taıaý ýaqytta 200 oryndy jeke kovıdti gospıtaldder ashylady, osylaısha jańa modýldi gospıtaldi eskere otyryp, megapolıste KVI naýqastaryn emdeýge arnalǵan 1 myń jańa tósek-oryn paıda bolady. 32 stasıonardyń jalpy qýattylyǵy 7226 oryndy quraıdy.
Eske salsaq, Almatynyń densaýlyq saqtaý júıesin modernızasııalaýdyń úsh jyldyq baǵdarlamasy aıasynda medısına uıymdarynyń materıaldyq- tehnıkalyq bazalary kúsheıtilýde. Máselen, jyl basynan beri qaraı 52 ÝZI apparaty, 38 rentgen, 269 О́JJ apparaty, 5 KT, 2 MRT apparaty satyp alyndy. Sonymen qatar, 1300 kópsalaly medısınalyq tósekter, 250 tósek janyndaǵy monıtorlar, zerthanalyq qurylǵynyń 43 birligi, 1050 ottegi konsentratorlary alyndy.
Bulardan ózge, jedel járdem qyzmetiniń avtoparki 35 avtomashınaǵa jańardy, jyl sońyna deıin taǵy 100 jedel járdem kóligi alynatyn bolady. Birinshi eshelondaǵy segiz stasıonarǵa medısınalyq gazdyń 24 myń tósek-oryndyq ortalyqtandyrylǵan júıesi ornatylýda. 17 stasıonarda stoktardy zararsyzdandyrý, al 13-de medqaldyqtardy ýtılızasııalaý júıeleri salynýda.
