Bıyl baıqaýǵa elimiz boıynsha 143 muǵalim qatysty. Jeńip shyqqan 64 ustazdyń árqaısysyna "Úzdik pedagog" tósbelgisi men 2 788 000 teńge (1000 AEK) kóleminde syıaqy tabystaldy.
Saltanatty is-sharada Mınıstr Ashat Aımaǵambetov qazirgi jaǵdaıda aıanbaı eńbek etip júrgen barsha muǵalimderge alǵysyn bildirdi. Sondaı-aq memleket tarapynan bilim berý salasyna úlken kóńil bólinip jatqanyn da tilge tıek etti.
"Elbasy Nursultan Nazarbaevtyń bastamasymen bilim salasyn damytý baǵytynda aıtarlyqtaı jetistikterge qol jetkizdik. Memleket basshysy Qasym-Jomart Toqaev bilim salasyna erekshe nazar aýdaryp, jýyrdaǵy Joldaýynda da osy máselege úlken kóńil bóldi. "Ustaz mártebesi týraly" Zań qabyldanǵanyn bilesizder. Zań sheńberinde 70-ten asa túrli buıryq, qaýly bekitilip, iske asyrylyp jatyr. Memleket basshysynyń tapsyrmasymen bıyl qańtardan bastap muǵalimderdiń jalaqysy 25%-ǵa ósti. Aldaǵy jyly taǵy 25 paıyzǵa kóteriledi. Prezıdent osyndaı tapsyrma berdi jáne ony biz oryndap jatyrmyz. Búgingi tańda ustazdarymyz úshin tıisti jaǵdaı jasaýdy jalǵastyrýymyz kerek", – dedi mınıstr.
Sondaı-aq Ashat Aımaǵambetov pedagogıkalyq mamandyqtar boıynsha bilim alyp jatqan bolashaq ustazdardyń shákirtaqysy da aıtarlyqtaı kóterilgenine nazar aýdardy. 1 qyrkúıekten bastap olardyń stıpendııasy 26 myń teńgeden 42 myń teńgege deıin ósti. Aıta keteıik, bıyl muǵalim bolý úshin oqýǵa túsken azamattarǵa qoıylatyn talaptar da kúsheıtildi: shektik ball 50-den 70-ke deıin kóterildi.
"Úzdik pedagog" atanǵan jeńimpaz muǵalimderdiń biri, Atyraý oblystyq «Bilim-ınnovasııa» mektep-ınternatynyń fızıka pániniń muǵalimi, Arnur Qazybekov te shara barysynda áriptesterine jyly lebizin arnap, muǵalim mamandyǵyn júrek qalaýymen tańdaý qajet ekenin atap ótti.
"Osydan 10 jyl buryn men mektep qabyrǵasynda júrgen oqýshy edim. Fızıkany tereńdetip oqyp, túrli olımpıadalarǵa qatysyp, júldeli oryndarǵa ıe boldym. Kúrdeli esepterdi bir-birimizge, tómengi synyp oqýshylaryna túsindiretin edik. Mine, sol kezden-aq men sabaq berý, muǵalim bolý ózimniń ómirlik jolym ekenin túsindim. Jastardy ǵylymǵa, bilim alýǵa baýlý qazirgi zamanda óte ózekti másele dep oılaımyn. Memleket basshysy biryńǵaı oqý platformasyn daıyndaýdy tapsyryp edi. Bul tapsyrma elimizdiń ınnovasııalyq pedagogteriniń uıymdastyrýymyn júzege asady dep senemin. Men árdaıym janymnan tabylatyn otbasyma, aqylyn aıamaıtyn áriptesterime alǵys bildiremin. Pedagog mártebesi – ustazdardyń óz qolynda. Men mektepti "Altyn belgige" bitirip, muǵalim bolamyn degen kezde barlyǵy bul sheshimimetań boldy. Biraq atam "Balam, qandaı mamandyq ıesi bolǵyń kelsen, sony tańda. О́ıtkeni ómir boıy sol mamandyqtyń artynan júresiń" dep aıtqan bolatyn", – dedi ustaz.
Aıta keteıik, "Pedagog mártebesi týraly" Zańnyń 8-babynyń 6-tarmaǵyna sáıkes jergilikti atqarýshy organdar pedagogterge respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn aılyq eseptik kórsetkishtiń keminde 300 AEK mólsherinde syıaqy túrinde qosymsha yntalandyrý tólemderin belgileýge quqyly. Al sol Zańnyń 9-babynyń 4-tarmaǵyna sáıkes ákimdikter birjolǵy syıaqy tóleı otyryp nemese onsyz, jergilikti erekshelik belgileri men qurmetti ataqtardy taǵaıyndaý jáne yntalandyrýdyń ózge de nysandary arqyly, onyń ishinde Qazaqstan Respýblıkasynda belgilengen merekelik kúnderge oraı pedagogterdi kótermeleýdiń qosymsha sharalaryn belgileı alady.
Iаǵnı búgin elimiz boıynsha muǵalimder jergilikti ákimdikter tarapynan qosymsha syıaqylar, syılyqtar alyp jatyr. Ákimdikter tarapynan kórsetilgen qoldaý jaıly aqparatty jergilikti atqarýshy organdardyń resmı ınternet-resýrstaryn taba alasyzdar.
