"Sońǵy ýaqytta biz bárimiz janýarlarǵa óte qatal qaraý faktileriniń kýási boldyq. Sondyqtan, jeke zań jobasyn jasaý qajettiligi pisip-jetildi dep esepteımiz. Biz barlyq jaǵymsyz kórinisterge naqty zańnamalyq tosqaýyl qoıýymyz kerek", dep atap ótti óziniń quttyqtaý sózinde Ekologııa mınıstrliginiń Jaýapty hatshysy Sábıt Nurlybaı.
Memleket Basshysy Qasym-Jomart Kemeluly Toqaev janýarlar problemalaryna asa kóńil bólýde, sol sebepti Úkimetke azamattyq sektormen birlesip "Janýarlardy qorǵaý týraly" Zań jobasyn ázirleýdi tapsyrdy. Búgingi tańda Zań jobasy ázirlenip, Prezıdent Ákimshiliginiń qaraýynda jatyr. Bul Qazaqstandaǵy adamgershilik máselelerin kóteretin alǵashqy resmı zań jobasy. Oǵan QR Parlamenti Májilisiniń depýtattary bastamashy boldy.
"Zań jobasyn iske asyrý janýarlarǵa jaýapkershilikpen qaraýdy jáne olarǵa izgilikti qaraýdy qalyptastyrýdy, ártúrli sanattaǵy janýarlarǵa qaraý kezinde jalpy jáne arnaıy talaptardy belgileýdi, qatygez qaraýdan qorǵaýdy qamtamasyz etýge múmkindik beredi", dep atap ótti S.Nurlybaı.
Bul rette, janýarlarǵa qatygezdikpen qaraý nemese kezkelgen zań normalaryn buzýshylyq úshin jaýapkershilik "Janýarlarǵa jaýapty qaraý máseleleri boıynsha keıbir zańnamalyq aktilerge ózgerister men tolyqtyrýlar engizý týraly" ilespe zań jobasynda kózdeletin bolady. Atap aıtqanda, ákimshilik-is júrgizý jáne qylmystyq kodeksterdegi normalardy qatańdatý kózdeletin bolady.
Sondaı-aq, konferensııa barysynda zoologııalyq uıymdar men qoǵamdyq birlestikterdiń ókilderi óz usynystaryn bildirdi.
Úkimettiń qorytyndysy Májiliske engizilgennen keıin Parlament alańynda jurtshylyqpen talqylaý bastalady.
