Vıdeony belgili jýrnalıst Jazıra Begaly óziniń Facebook-tegi paraqshasyna júktep, tıisti zańdy organdardan kómek surady. Jazbada Erjan esimdi azamat áıelimen qosa, balalaryn da uryp soǵatyny aıtylǵan.
Osyǵaı sáıkes Túrkistan oblystyq PD baspasóz qyzmeti oryn alǵan jaıtqa baılanysty resmı jaýap berdi.
"Áleýmettik jelilerge monıtorıng júrgizý barysynda Túrkistan oblysy Polısııa departamentiniń polıseıleri belgisiz er adamnyń kámeletke tolmaǵan balany uryp-soǵyp jatqan beınejazbasyn anyqtady. Tekserý barysynda oqıǵanyń Qazyǵurt aýdanynda bolǵany aıqyndaldy. Atalǵan jaıtty polıseıler QR QK-niń 110-baby boıynsha tirkedi. Kúdikti azamat zańdy túrde jaýapqa tartylatyn bolady. Sonymen qatar, aýdandyq ýchaskelik polısııa ınspektoryna qatysty qyzmettik tekserý júrgizilýde. Qazirgi ýaqytta atalǵan jaıttyń tolyq mán-jaıy anyqtalýda", delingen habarlamada.
