Sondaı-aq sýdyń túsi de ózgergeni aıtylady. Mundaı dabyldy alǵash bolyp tolqyndy baǵyndyrýǵa kelgen serferler qaǵa bastaǵan. Halaktyr jaǵajaıyna kelgen týrıster de sýǵa túsken soń kózderi qyzaryp, ise bastaǵanyn aıtqan. Halaktyr jaǵajaıynyń mańyndaǵy teńiz sýlarynda mamandar fenoldar boıynsha 2,5 ese jáne munaı ónimderi boıynsha 3,6 ese lastanýdy anyqtaǵan. Úlken jáne kishi lagerler men Babıa shyǵanaǵynda alynǵan sý synamalarynyń nátıjeleri jaqynda belgili bolady. Turǵyndar bul jaǵdaıdy ekologııalyq apatqa teńep, bılikten kinálilerdi anyqtaýdy surap otyr. Al ekobelsendiler bolsa áleýmettik jeli arqyly álem jurtshylyǵynyń nazaryn aýdarýǵa tyrysýda.
