Asqar Ábdirahmanov 1979 jyly týǵan. 2002 jyly "Dúnıejúzi tarıhy" mamandyǵy boıynsha ál-Farabı atyndaǵy Qazaq ulttyq ýnıversıtetin bitirgen.
Eńbek jolyn QR BǴM ǴK Shyǵystaný ınstıtýtynda jáne Tuńǵysh Prezıdent Qory janyndaǵy Álemdik ekonomıka jáne saıasat ınstıtýtynda ǵylymı jáne oqytýshylyq jumystan bastap, Polsha, AQSh jáne Fransııada taǵylymdamalar men biliktilikti arttyrý kýrstarynan ótti. Keıin Prezıdent Ákimshiliginde Memlekettik hatshynyń Hatshylyǵynda jumys istedi. 2009 jyldan bastap – QR SIM júıesinde jumys istep keledi. Halyqaralyq aqparat komıtetiniń basqarma basshysy jáne Tóraǵasynyń orynbasary, Qazaqstannyń Polshadaǵy Elshiliginiń keńesshisi laýazymdaryn atqardy.
QR SIM Halyqaralyq aqparat komıtetiniń tóraǵasy laýazymyna taǵaıyndalǵanǵa deıin 2018 jylǵy qańtardan bastap Parıj qalasyndaǵy IýNESKO janyndaǵy QR Turaqty ókiliniń orynbasary qyzmetin atqardy.
Ekinshi synypty Keńesshi dıplomatııalyq dárejesi bar. Aǵylshyn, polıak jáne fransýz tilderin meńgergen.
