Úkimet • 06 Qazan, 2020

Úkimet farmasevtıkalyq ónerkásipti damytýdyń 2025 jylǵa deıingi keshendi josparyn qabyldady

25 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda Farmasevtıka ónerkásibin damytýdyń keshendi jospary qaraldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Indýstrııa jáne ınfraqurylymdyq damý mınıstri B. Atamqulov, densaýlyq saqtaý mınıstri A. Soı, «Hımfarm» AQ dırektory A. Isenova, «Dolce-pharm» JShS kommersııalyq dırektory B. Demeýova, Qazaqstannyń farmasevtıkalyq jáne medısınalyq ónimderdi óndirýshiler qaýymdastyǵynyń atqarýshy dırektory G. Manaqpaeva baıandama jasady.

2020 jyldyń 8 aıynyń qorytyndysy boıynsha QR farmasevtıka ónerkásibindegi óndiris kólemi 34,1%-ǵa 81,5 mlrd teńgege deıin, ınvestısııalar 5,2%-ǵa 4,1 mlrd teńgege deıin ósti.

Belgili kompanııalardyń, sonyń ishinde TUK qatysýymen 41 joba iske asyryldy, olardyń ishindegi eń irileri — antıbıotıkter, alkoloıdtar, antıseptıkter («Hımfarm» AQ, «Nobel AFF» AQ, «Abdı Ibrahım Global Farm» JShS), sondaı-aq jeke qorǵanysh quraldary men hırýrgııalyq maqta («Kelun Kazpharma» JShS, «Qaraǵandy farmasevtıkalyq kesheni» JShS, «Dolce» JShS) óndirisi boıynsha jobalar. 5 myńnan astam jumys orny ashyldy. Dári-dármekter men medısınalyq buıymdardy satyp alýdaǵy otandyq óndirýshilerdiń úlesi 30%-ǵa deıin artty jáne turaqty túrde ósip jatyr (5 myńnan astam ataý boıynsha 88 shart jasaldy). Dúnıejúzilik densaýlyq saqtaý uıymynyń baǵalaýy boıynsha eldiń dárilik qaýipsizdigi menshikti farmasevtıka óndirisi bolǵan jaǵdaıda keminde 30% qamtamasyz etiledi, al Qazaqstan 2025 jylǵa qaraı óz óndirisin zattaı mánde 50%-ǵa deıin jetkizýdi kózdep otyr. Osylaısha, Farmasevtıkalyq jáne medısınalyq ónerkásipti damytýdyń 2025 jylǵa deıingi keshendi josparyna sáıkes 77,8 mlrd teńgege 30-dan astam jańa iri farmasevtıkalyq óndiris iske qosylady, bul dári-dármek óndirisiniń kólemin 2,5 esege (92-den 230 mlrd teńgege deıin), eksportty 3 esege (25-ten 75 mlrd teńgege deıin) ulǵaıtýǵa, 2 myńnan astam joǵary bilikti mamandardy daıarlaýǵa jáne olarǵa arnap turaqty jumys oryndaryn qurýǵa jol ashady. 

Úkimet basshysy otandyq farmasevtıka óndirisi úshin, ásirese, klınıkalyq jáne klınıkaǵa deıingi synaqtardy yntalandyrý turǵysynan memlekettik qoldaý sharalaryn aýqymdy túrde keńeıtýdi tapsyrdy. Indýstrııa, densaýlyq saqtaý jáne syrtqy ister mınıstrlikterine dáriler óndirisin elimizde jergiliktendirýge Big Pharma – Top 50 tiziminen álemdik farmasevtıka óndirýshilerdi targetteý boıynsha usynystar engizý tapsyryldy.

Densaýlyq saqtaý mınıstrligine uzaq merzimdi kelisimsharttardy iske asyrý tetikterin keńeıtý, eldegi dárilik zattardyń qajettiligin naqty josparlaý men aıqyndaýdy qamtamasyz etý, medısınalyq buıymdar men dári-dármekterge synaqtar júrgizetin zerthanalardyń materıaldyq-tehnıkalyq bazasyn kúsheıtý, Keshendi jospardy iske asyrýdy eskere otyryp, farmasevtıka salasy úshin bilikti kadrlar daıarlaý jóninde sharalar qabyldaý tapsyryldy.

Oblystar men Nur-Sultan, Almaty jáne Shymkent qalalarynyń ákimdikterine jergilikti jerlerde dári-dármekter men medısınalyq buıymdardy satyp alý kezinde jergilikti qamtý boıynsha nysanaly ındıkatorlardy (KPI) bekitý tapsyryldy.

«Farmasevtıka ónerkásibi – ekonomıkanyń óte mańyzdy sektory jáne halyqtyń ómiri men densaýlyǵy qaýipsizdiginiń negizi», — dedi A. Mamın.

Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar