Bilim • 07 Qazan, 2020

145 kolledj 330 mamandyq boıynsha stýdentterdi oqytý quqyǵynan aıyryldy

123 ret kórsetildi

QR BǴM Bilim jáne ǵylym salasyndaǵy sapany qamtamasyz etý komıteti barlyq qazaqstandyq kolledjdiń bilim berý qyzmetine monıtorıng júrgizip jatyr. Taldaý nátıjeleri boıynsha 145 bilim berý uıymy 330 mamandyq boıynsha lısenzııaǵa qosymshalaryn óz erkimen qaıtaryp berdi (belgili bir mamandyqtar boıynsha oqytýǵa ruqsat beretin qujat), dep habarlaıdy Egemen.kz

QR BǴM Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova stýdentterge kórsetiletin qyzmetterdiń sapasyn jaqsartýǵa baǵyttalǵan jumys Tehnıkalyq jáne kásiptik bilim berý uıymdarynyń dırektorlarymen birlese júrgizilgenin atap ótti.

"Departamentterimiz kolledjderdiń bilim berý qyzmetine monıtorıng júrgizip jatyr. Birinshi kezekte biz oqý prosesine qajetti qural-jabdyqtardyń, ádebıetterdiń, bilim beretin tıisti oqytýshylardyń bolýyna, oqýǵa barlyq jaǵdaıdyń jasalýyna nazar aýdaramyz. Osy jumystyń nátıjesinde kolledjder qazirgi ýaqytta ózderiniń bilim berý profıline jatpaıtyn nemese biliktilik talaptaryn saqtaı almaıtyn jekelegen mamandyqtar boıynsha lısenzııanyń qosymshalaryn qaıtarý týraly sheshim qabyldady. Arasynda eńbek naryǵynda suranysqa ıe emes mamandyqtar da bar. Keıbir kolledjderge belgili bir mamandyqtar boıynsha stýdentter oqýǵa múldem túspegen. Mysaly, pedagogıkalyq kolledj menedjerlerdi daıarlaýǵa talpynsa, al ekonomıkalyq baǵytta bilim beretin kolledj pedagogterdi oqytpaq bolǵan. Sondaı-aq keıbir oqý oryndary materıaldyq bazasy saı kelmese de belgili bir mamandyq boıynsha kadrlardy daıyndaǵysy kelgen. Qazirgi ýaqytta stýdentter oqýyn aıaqtady, ol úshin kolledjderge múmkindik berildi. Budan bylaı 145 tehnıkalyq jáne kásiptik bilim berý uıymy úsh júzden astam mamandyq boıynsha stýdentterdi oqytpaıtyn boldy. Sondyqtan  ata-analar men oqýshylarǵa alańdaýdyń qajeti joq. Eshqandaı problema týyndaǵan joq", dedi QR BǴM Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar