Rýhanııat • 07 Qazan, 2020

"Abaı álemi" baıqaýynyń jeńimpazdary anyqtaldy

260 ret kórsetildi

Qazaqtyń uly aqyny Abaı Qunanbaevtyń 175 jyldyq mereıtoıyna arnalǵan stýdentter men magıstranttar arasynda uıymdastyrylǵan "Abaı álemi" úzdik ǵylymı jumys baıqaýynyń qorytyndysy jarııalandy, dep habarlaıdy Egemen.kz

Baıqaý uıymdastyrýshylary – Nursultan Nazarbaev Qory men Memlekettik tildi damytý qory Qazaqstannyń ár óńirinen kelip túsken 100-den astam ǵylymı jumysty iriktep aldy.

Nursultan Nazarbaev Qorynyń atqarýshy dırektorynyń orynbasary Álkeı Marǵulan: "Baıqaýdy uıymdastyrý arqyly qazaqtyń uly oıshyly Abaıdyń murasyn nasıhattaýǵa, daryndy jas ǵalymdardy anyqtaýǵa jáne qoldaýǵa, olardyń jumysyn nasıhattaýǵa kómek kórsetemiz. Osylaısha, biz qoǵamda halyq dástúrlerin, adamgershilik qundylyqtaryn, ulylardyń biregeı shyǵarmashylyǵyn tanytýǵa yqpal etemiz", dep atap ótti.

Quramyna belgili qoǵam qaıratkerleri, abaıtanýshy ǵalymdar engen qazylar alqasynyń múshelerine baıqaý jeńimpazdaryn anyqtaý ońaı bolǵan joq. Qatysýshylardyń jumystary ıdeıalardyń ereksheligimen, dáıektiligimen naqtylyǵymen erekshelendi.

Qazylar alqasynyń quramynda fılologııa ǵylymdarynyń kandıdaty, Abaı atyndaǵy QazUPÝ janyndaǵy  "Abaıtaný ǵylymı-zertteý ortalyǵynyń" dırektory Jabal Shoıynbet, jazýshy, Qazaqstan Jazýshylar odaǵynyń múshesi, QR Ulttyq kitaphanasynyń ǵylymı hatshysy Bolat Júnisbekov, aqyn, Qazaqstan Jazýshylar odaǵynyń múshesi, "Abaialemi.kz" onlaın ensıklopedııasynyń shef-redaktory Qaısar Qaýymbek syndy belgili qoǵam qaıratkerleri, abaıtanýshy ǵalymdar bar.  

Stýdentter arasynda baıqaý jeńimpazy, arnaıy dıplom men 300 000 teńge kólemindegi syılyqtyń ıegeri Ál-Farabı atyndaǵy QazUÝ-dyń II kýrs stýdenti Ázimbek Qoılybaı boldy. Ekinshi oryn úshin arnaıy dıplom men 200 000 teńgelik syıaqy Eýrazııa gýmanıtarlyq ınstıtýtynyń IV kýrs stýdenti Atabaı Qýanyshov pen E.A.Bóketov atyndaǵy Qaraǵandy ​​memlekettik ýnıversıtetiniń  II kýrs stýdenti Ǵazızov Nuraıǵa berildi. Úshinshi orynǵa Sh.Ýálıhanov atyndaǵy Kókshetaý memlekettik ýnıversıtetiniń IV kýrs stýdenti Nazgýl Aısenova, E.A. Bóketov atyndaǵy Qaraǵandy ​​memlekettik ýnıversıtetiniń III kýrs stýdenti Gúlsimaı Saırambek, Nazarbaev Ýnıversıtetiniń II kýrs stýdenti Móldir Bıjanova ıe boldy.

Magıstranttar arasynda Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń I kýrs magıstri Mýstafa Shohaev jeńimpaz atanyp, 400 000 tg júldege ıe boldy. Ál-Farabı atyndaǵy QazUÝ-dyń II kýrs magıstri Abaı Myrzaǵalı men Qurmanǵazy atyndaǵy Qazaq ulttyq konservatorııasynyń II kýrs magıstranty Sherhan Mýhambetjanov ekinshi oryndy ıelenip, árqaısysy 300 000 teńgeden syıaqy aldy. Úshinshi oryn ıegerleri "Turan-Astana" ýnıversıtetiniń I kýrs magıstri Kalıakbar Úsemhanǵa, I.Jansúgirov atyndaǵy Jetisý memlekettik ýnıversıtetiniń II kýrs magıstri Aqbota Qajybekova men I kýrs magıstri Zeınegýl Jýmabekovaǵa 200 000 teńgeden berildi.

Úzdik ǵylymı jumystar "Abaialemi.kz" portalynda jarııalanady.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar